الرئيسية
الفرق بين الشباب والصبايا ايام الامتحان
ليلة الامتحان
البنت قاعدة تقرا والشاب قاعد يقرا شوفو اللي صار
البنت /مقعمزة تقرا وتراجع وتحفظ وتحل الاختبارات مراجعة للمرة العاشرة.
الشاب / يكتشف المنهج لاول مرة.
البنت / تاخذ استراحة قليلة وتمشي تصلي.
الشاب/ ينام ساعة ياكل ساعة ثم يستريح ساعة كل ربع ساعة مذاكرة.
التليفون يرن
البنت/ الو خالتي كيف حالك اني كويسة الحمد لله والله غدوة عندي امتحان ادعيلي خالتي .
الشاب/ الو خالتي كيف حالك كيف حال احمد ومروان خالتي بنقولك عادل قاعد باهي ناديه انسلم عليه
الووو عادل شن دير... اني عندي قراية والله طلعت من الهم شوية... اسمع شفت المبارة؟
باهي اسمع بعد نص ساعة نتلاقو فيالقهوة باهي نبيك في موضوع.
البنت تقرا وتقرا
الشاب يساوي روحه وبعدين يطلع بيتلاق عادل
البنت تسهر وتراجع لوقت متاخر وبعدين تنوض تصلي وبعدين ترقد
الشاب يجي من برا في وقت متاخريلقى بوه في وجهه وتصير الدعكة معاه وبعدين يمشي يرقد
يوم الامتحان
تمشي البنت قبل الامتحان بساعتين(ماتاكل شيء لانها خايفة من الامتحان) وتقعد تراجع وتراجع وتراجع.
ينوض الشاب متاخر(معدور اصلا مالحقش يرقد) ثم يجهز روحه للفطور( يعني يمشي الامتحان وبطنه فاضية؟ مش معقولة)
واخيرا يمشي للجامعة ولكن يوقف شوية باش يدخن شوية( يعني معقول يخش الامتحان وراسه مش متظبطة) في الاخير يخش
القاعة متاخر ويتعارك مع المراقب الذي يعترض على تاخره وفي الاخير وحرصا على مستقبله يتدخل رئيس اللجنة رافة به
ويوافق على دخوله الامتحان.
البنت/ تقرا الادعية وتسمى وتفتح الورقة وتبدا الاجابة.
الشاب/ يشبح بحذر بحداه ثم يبدا في الحجيبات
البنت / تكمل اجابتها ثم تراجع للمرة الاخيرة وتحمد ربها وتسلم الورقة.
الشاب/ المراقب يلقاه يغش يسحب منه الورقة فينوض ويدير الدوشة في اللجنة( حرام عليكم والله ظلم هدا اني عارف انكم حطيتو
في دماغكم ربي يهدي وخلاص).
يوم النتيجة
البنت تنجح بامتياز 98% وتحمد الله وتشكره
الشاب يرسب13%ويصرخ قائلا(والله ظلم اصلا نظام التعليم هوا فـــــــــــــــــاشل الله يخرب حوش المححيين).
في الحوش
حوش البنت/ الاب للام/ قولي لبنتك ياسر من القراية جاها عريس وحنديرولها عرس شن بدير بالشهادة
حوش الولد/الاب للام/ قولي لولدك الفالح يوتي روحه باش يسافر للاميركا ويكمل قرايته غادي باش يفلح
» الضغط ودكتور محشش
» ماعاش في أمل خلاص ؟
» the one
» asefa 3ala el3'eyab
» هـــــام لجميع الأعضاء " مـوعـدْ للقــاء "
» سؤاااال محيرني ؟؟؟
» شعر من تأليفي على الإمتحانات
» إحساس مؤلم!!!