الفرق بين أولاد الهبي والي مش هبي, حي علي الجو الضحك

السلام عليكم ....

ناس تاكل فى دجاج وناس تتلقي فى عجاج..

أطفال الناس الهاااااي

في الصباح حيث يبداء يوم اطفال الهاي اول ما ينوظ يسمع يمشئ للحمام يغسل وجوه و سنونه ويطلع من الحمام تستقبله الشاغله بي الفوطه وينزل لغرفة الطعام ويصبح على امه وابوه واحلــــــــي بوسه ياخذها منهم ويفطر هذاك الفطور الصح عباره عن كرون فلكس ابو الديك ذو بيضه وحده !! وكاس عصير وشويت ايقاف , كلمة ممنوعهده مع العسل على حاجه قالوو اسمه خبزه لكن شكله مش زي الخبزة .

بعدين يمشئ يغسل فمه ويودع الماما والبابا و يمشئ للسياره يلقى
قدامه السواق مبتسم ويفتح له الباب ويوصله لمدرسته الخاصه" حى الزهور"


****************

وولادنا الحولين قصدي الحلوين


ولادنا ينوض الصبح بعد ما يطلع عين اهله ولازم افراد العائله تمر عليه عشان تصحيه وكل واحد وطريقته:
الاب:نوضو ان شاء ترقد معاذ تنوض

الأم:نوضو جدري
الأخ: والله اذا ما نوضت توؤء نركك بنويه نكسرلك خشمك

أخته: تسل فى رقيق على اساس بدلعها ,,, يلا نوض وأعطيك شنطة أخوك تمشئ بيها++ على اساس شنطه خوه حاجه باهيه!!!!!!!!!!!!

بعد ما ينوض يخطم على الحمام خطوم ويغسل وجه شطف هذا اذا كان مشئ وبعدين ياخذ اقرب كتب عنده ويربطها ويجيك مدرجح يدور الفطور ويتفاجا اناه مش واتى ( على اساس كل يوم يفطور ) المهم


بعد ما يجي الفطور وهو كالعاده : بيض + حليب الهيره يبدأ هماع بالأكل وشوي الا وهو حاذف أخوه بالهندسه؟؟؟ على خاطر سحب صوينه الفطور من قدماه
أبوه يتكلم معه يا ولد ريض وافطر
يرد ولد عليه: انت ما تشوف فى ولدك خنب فطوري؟؟
المهم بعد ما يخلص الفيلم اليومي يمشئ الولد للسياره يلقى اخوه فاتح الكوفنو متع السياره ويصب ماء للرديتر المشقوق يتعفلق الولد وينقز للشارع ويأشر لأقرب سياره ويمشئ للمدرسه

****************

أطفال الناس الهاااااي
2-بعد المدرسه يرجع اطفال الهاي ويلقى الشغاله في استقباله تاخذ الشنطه وترفعها لي لغرفته يغير ملابسه ويغسل وجهه ورجليه ويستريح ساعه في أنتظار باقي الافاميلا بش يتغدى وبعد الغداء الصح

< طبعا منعرفش شنو الغدي بس اللي اعرفه انهم ياكلونه بشوكه وسكين >>

يمشئ لغرفة الجلوس ويشرب شاهي للتهضيم ويحلي بقطعة كيك وبعدين يمشئ لغرفته ينام له ساعه قبل العصر.( قالوو باهي لمنع تساقط الشعر)

****************

ولادنا المحترمين

ال فرخ منهم يجي من المدرسه وثوبه قالب مولي ترابي(تقول صور جبانه )


اول ما يخش الحوش يحدف الشنطه على طول ايديه بالصاله وبعدها ووينك يالشارع وهاتك ياللعب كوره فى القايله وعادي الشارع مولع من الحراره وهما عادي بكل ولا كأنه فيه شيء واهله مش مدروين ؟؟

في هذه الأثناء يرسل ابوه كتيبه من خوته للبحث عنه وكان لقوه وجابوه للبيت يبدا يصيح ضربونى وسحبوني قدام الناس < ووالله ما فى واحد مسه ها النصاب...

المهم يحطون الغداء ,,, معروف يا مكرونه خرز او رز مصري ...

غيره ما فيه!! يتغدى الولد الكريم ويشرب بعده لترا مياه بعدها يجلس ساعه فاتح فمه .. ذبان مصيف فى فمه وعائلات من حشرات تتفسح بين سنونه وهو والله ما يندري على حاجه..

يخخم من يرفعها يغسل له يديه!!!!!!!!!؟؟؟؟؟؟؟



****************
أطفال الناس الهاي ...

3- اطفال اهاي فى العصر جابوا دروسهم وشافوا شنو فى من

واجبات وحلوها وحضروا دروس اليوم التانى بمساعدة الماما والبابا.
بعدها يروح لغرفة الألعاب ويلعب بي البلاي ستيشن 2 وخذ لعب

لمدة ساعتين تقريبا يعني اللى وقت ما بين المغرب والعشاء.

بعدها تنديه امه مع أخوانه بش يجتمعون ويشربون العصير

ويهدرزو على حاجات صح ....!! ( شرم شيخ ممكن نمشولها سنه هذه ؟ لا لا خلينا على فرنسا زي صيف الى قبل الى فات وفكنا من دبي متع صيف الى فات نووووو هلبه ؟.)


****************

ولادنا...

يجي وقت العصر وهو نايم .. مفعول مكرونه ،،،" ينوض قبل المغرب

وياخذ دروسه وواجباته وأقلامه ناسيها في درج الطاوله اللي بالمدرسه ..

ويمشئ لى أخته ويتسخف شوي بش تحل له الواجبات واذا قالت لا يا ويلها يا سواد ليلها .

بعد هكي يجئ دور شارع مع ولاد الشارع ما يخلوش سودانى او مصري الا وجرو فى جرته او حذفوه ولا دكان الا وكسرو

مروشها (زجاج المحل يعني)

ولاما يروح للبيت ... على الساعه 11 تقريبا ،،، تلقى راسه مسكر من جميع الاتجاهات والشرطه تدوره وجارهم مدير

أعلان عليه مطلوب حي أو ميت!! وهم كل يجى على بوهم ..


****************

أطفال الناس الهاااااي

4- أطفال الهاي بعد ما يتعشى ويمسي على اهله يمشئ لغرفته ويجلس على النت ساعه أو ساعتين الى موعد نوم الساعه 10 تقريبا ....
بعدها يغير ملابسه وتجي الشغاله وتحكي له قصه بش ينام تغطيه
وتطفي النور.

****************
ولادنا

اول ما يوصل للبيت .. الساعه 11 ما يخشش من باب ينكز من فوق السور على خاطر بوه كان يشدها يعلقاه من وذاناه وعلى طول يمشئ لغرفته ويسكر الباب ويطفي النور ويشوف من الروشن ,,الشباك يعني ,, على باب الشارع الرئيسي يشوف شنو صار فى فيلم الرعب اللي جابها معه للبيت وكيف بيحلها ابوه مع الناس ومع جارهم ومع الشرطه.

وفي هذاك وقت يمشئ للمطبخ وياخذ منه جبن < جبنة البقره الى تتتقر ؟ تتضحك >> وخبز رجع لووووووووكره<قصدي غرفته..
ويقفل باب ويتعشى من خبزه وجبنه اللين يدوخ فى جو الساعه 3 ...

لين يجي صبح
وفي صبح تبي تعرف شنو صار ؟
عاود اقر موضوع من جديد ..
دمتم بخير .

ههههههههههه الفرق واضح يعني
منوووووووور ميســـــــــــرة

هه مشكورة نورتي

تانكس ميسرة

نورتي

النور نورك

النور نورك ميسووو
مشكوور مرة ثانية

هههههههه تانكس

منور المنتدى بمواضيعك ميسو

تاااااااااااااااااااااااااااااااااااااااااانكس

منورين الصفحه مشكورين كلكم انتو خليتو الموضوع حلو بمشاركتكم وردودكم مشكورين

هههههههههههههههههههههههههه

حلو الموضووع تسلم
مع ان الاحترام والنضام مش بالفلوووس
مشكوور

هه منوره

هههههههههههههههه تانكس

منوره مشكوره بمرورك

النور نورك