حلقة نقاش بخصوص الدردشة

السلام عليكم و رحمة الله وبركاته

شن اخباركم
ان شاءالله كويسين


في مشاكل صارت الاسبوع اللي فات
في اعضاء سمعوا بيها و في اعضاء لا
و عارفة ان في اللي فهموا الموضوع غلط و حرجوا

ففي الموضوع هذا حبيت ان احني اناقشوا المشكلة اللي صارت
و انديروا حلول اتناسب كل الاعضاء


اللي صار باختصار
ان من اول ما فتحت الدردشة بدت اتصير مشاكل
عارفة ان الجو امتع الدردشة عاجبكم
و عارفة ان الاعضاء اللي ايخشولها ديما محترمين وماشاء الله اعليهم
و احني نفتخروا بوجودهم معانا
من مون كوين والشاطر و دانتي و رنيم
و غيرهم من الاعضاء
ونبي انقوللكم ان مش انتم السبب اللي خلا المشاكل هادي اتصير
يعني الانترنت مفتوح والمنتدى مفتوح
و اي شخص ممكن ايخش و ايسجل
و الله اعلم الشخص هذا هل هو كويس ولا لا
هو الحمد لله منتدانا محترم حتى المشاكل اللي صارت انحلت




اني فكرت في الموضوع
لكن زي ما نعرفوا ان المنتدى منتدانا كلنا
و اكثر حاجة اتهمنا هي راي الاعضاء
فنبي رايكم
اني قعمزت انفكر في الموضوع
و القيت ان احسن حل هو اني نمسح الدردشة
او على الاقل ما انخليهاش مفتوحة 24ساعة
يعني انحدد ايام معينة تنفتح فيها




المهم كان في اي شخص حس ان هو مضايق من الموضوع
او مش مقتنع بالفكرة
ولو في حد غلطت فيه نتمنى ان ايسامحني و يتناقش في الموضوع هذا
نتمنى انشوف تفاعل من الكل


و السلام عليكم