جوهرة ليبيا الناذرة ...ضيفتنا على كرسي الاعتراف

هههههه وتي روحك الفالحة جاتك إندير أسئله وإنجيك إستني بس

السلام عليكم ورحمة الله وبركاته

طبعا اني لو اسألتك أسألة حرجة
ما تزعليش لكن اني توا نمشي نكتب وان شاء الله ما نتأخرش

شن اسمك ؟؟
مرام
كم عمرك بالتاريخ ؟؟
27_9_1993
شن هواياتك ؟؟
السباحة والسفر
شن اكلتك المفضلة ؟؟
لازانيا والاكلات السريعة وأرز بلخلوط
شن مشروبك المفضل ؟؟
شاني
شن التخصص الي انتي فيه لو تانوي ولو اعدادي شن تبي تخشي ؟؟
علوم حياة
اما مدرسة تقري ؟؟
الضياء
جملتك المفضلة ؟؟
والله ماعنديش جملة معينة
عبري عن كل الكلمات الاتية بالسمايلات (الابتسامات )
حتي لو جبتيهم من عندك او من موقع تاني
الصدق


الكراهية
:

صحة الوجه

المحبة
:

شن هيا الصفة الي تحبيها في نفسك ؟؟
الطيبة وحب الناس كلهم وقلبي أبيض منحملش علي الناس
شن هيا الصفة الي متحبهاش في نفسك ؟؟
الزعل بسرعة
شن لون دار نومك ؟؟
أخضر وأصفر يعني 3حيوط بالأصفر والحيط المقابل أخضر زرعي
عندك موبايل او لا وشن نوعه ؟؟
ايه عندي ونوعه6120 دبل كاميرا
قداش طولك بالسنتمتر ؟؟
والله ماقست
من متلك الاعلي في الحياة ؟؟
الرسول عليه الصلاة والسلام وبعدين ماما
سامحيني لوطولت
عادي حبيبتي ادللي اسألي عادي

السلام عليكم ورحمة الله وبركاته
واول سؤال هو

1. تصلي كل صلاة في وقتها؟؟
   
2. امت أخر مرة غسلت ؟؟
   
3. من أكتر فنان تحبيها وفنانة؟؟؟
   
4. اما أكتر المعدل اليومي تسمعي فيه قرأن ولا أغاني ؟؟
   
5. امت أخر مرة تعاركتي مع خواتك؟..؟؟؟
   
6. اما أكتر تحبي امك ولا بوك ؟؟؟؟
   
7. شن جو الصيف؟؟؟
   
8. شن هي مخطاطاتك الصيفية ؟؟؟
   
9. شن تقديرك؟؟؟؟
   
10. شن هو تخصصك ؟؟؟
    
11. شن هي الحاجة خلاتك تخشي للمنتدي؟؟
    
12. أما أحسن عضو بالمنتدي من غير الاء ودعاء؟.؟؟؟
    
13. شن هي اكتر حاجة تكريها بالمنتدي ؟؟؟
    
14. أمت أخر مرة امك ضرباتك؟؟
    
15. امت أخر مرة كليتي أهزايب ؟؟؟
    
16. شن غداكم اليوم ؟؟؟؟؟
    

توا تميت وان شاء الله تعجبك الاسئلة
وبالله عليك نبي نكون بعدك في كرسي الاعتراف يلات باي
تو نوتيلك اسئلة تانية

تصلي كل صلاة في وقتها؟؟
نصلي لكن مش كل الصلوات في وقتها لكن الأغلب في وقتها
امت أخر مرة غسلت ؟؟
أمس
اما أكتر المعدل اليومي تسمعي فيه قرأن ولا أغاني ؟؟
ديما وقتي في الليل نسمع قرأن
امت أخر مرة تعاركتي مع خواتك؟..؟؟؟
اليووووووووووووم
اما أكتر تحبي امك ولا بوك ؟؟؟؟
والله الإثنين زي بعض بس أكيد حتكون الأم أكتر بنسبة قليلة
شن جو الصيف؟؟؟
ملييييييييييييييييح الحمد لله
شن هي مخطاطاتك الصيفية ؟؟؟
والله لحد الأن منعرفش
شن هو تخصصك ؟؟؟
علوم حياة
شن هي الحاجة خلاتك تخشي للمنتدي؟؟
والله لأن هو منتدى الاء ودعاء واني نحبهم وبنفس الوقت صاحباتي كلهم فيه
أما أحسن عضو بالمنتدي من غير الاء ودعاء؟.؟؟؟
لولو15 وانت وامونة وجوهرة القصر المكسدة وباتو7
شن هي اكتر حاجة تكريها بالمنتدي ؟؟؟
لاشيء لحد الأن
أمت أخر مرة امك ضرباتك؟؟
السنة اللي فاتت
امت أخر مرة كليتي أهزايب ؟؟؟
أخر يوم في المدرسة
شن غداكم اليوم ؟؟؟؟؟
قلايا ورز وسلاطة وشربة
تفضلي حبيبتي ولايهمك

السلام عليكم ورحمة الله وبركاته

هادي الاسئلة غر جاوبي بكل صراحة ...

1- كيف حالك؟؟

2- كم وزنك ؟؟

3- قداش تلبسي في كندرتك ؟؟

4- كم ساعة تقعدي مكعمزة عالنت يوميا؟؟

5- شن تفتحي حاجة تانية في النت من غير المنتدى ؟؟

6- اما قسم تحبي تخشيله في المنتدى ؟؟

7- قداش عدد أفراد عايلتكم؟؟

8- شن وجهة نظرك فيا ؟

9- من أكتر عضو خاطرك تعرفيه ولحد توا قاعدة ماتعرفيشي؟؟

10- ومن تحبي تحطي في كرسي الإعتراف المرة الجاية ؟؟

11- شن أفضل قناة عندك ولا تحبي تتفرجي عليها ؟؟

12- لو اعطوك الإدارة لمدة ساعة شن كنتي بتغيري في المنتدى ؟؟

وان شاء الله ماطولت اعليك

سلام

شكرا لرد لاكن مزال تو انجبلك تاني

السلام عليكم



بنسئل سؤال بس ممكن بعدها باتو و المكسدة يعطوني طريحة

كم رصيدك ؟


2 - لو كانت استاذة زهرة توا قدامك شن كنتِ حتفوليلها ؟

3 - عبريلي عن كل عضو من الاعضاء هادم في سطر

المكسدة
جوهرة القصر
باتو
لولو15
امونة
سمايل
دعاء


4 الساعة كم ارقدتي اليوم ؟

5 شن هي الصداقة بوجه نظرك ؟


6 شن هي اكثر حاجة تتضايقي منها ؟

7 شن ترتيبك في العيلة ؟

8 من هي افضل صديقة عندك ؟


لي عودة

السلام عليكم

اهلين مرووووووووووووووووومة الاموووووووووووووووووووووووووورة اني شفاء كان ماتعرفينيش نبدو 1- شن اكتر حاجة ازعلتي منها السنة هادي 2- اكتبي سطرين اعليا

يلا انا مانحبش نتقل على الناس لاكن عادى الصراحة راحة احنى فى الاخير خخوت يلا انا تعرفت عليك هلللبة وخلاص مش لازم نسالك الا سوال واحد عادى بسيط يعنى مش فى الصؤاحة ولا حاجة
لو كنتى انتى مرام بوحجر خلاص انا نعرف قوليلى انت مرام بوحجر ولالا؟

توا دوري نسالك بس جاوبيني بصراحة اوكي


1 شن هو العيب اللي في نفسك وما تبيش يكون عند الناس التانيين ؟
2 هل تحبين القراءة ؟ شن هو الكتاب اللي قريتيه مرة وعجبك ؟
3شن هي طموحاتك ؟
4 هل تغشين في الاختبارات ؟ ولماذا ؟
5علاش خشيتي علوم حياة ؟
6 شني اكثر سؤال ترددتي في اجابته من الاسئلة كلها الي جاتك ؟
اما اكثر موضوع عجبك في المنتدى ؟
8شن لبستي في اخر طلعة ليك ؟
9شن رايك في المناهج الجديدة ؟
10 شن هو هدفك الاكبر في الحياة ؟
انشاء الله كانت اسئلتي خفيفة ولطيفة عليك


مع السلامة يا امورة

السلام عليكم:توا بنجاوب علي أسئلة sam
- كيف حالك؟؟
الحمد لله مليييييييييييح
- كم وزنك ؟؟
والله قداش ليا معش وزنت
قداش تلبسي في كندرتك ؟؟
38
كم ساعة تقعدي مكعمزة عالنت يوميا؟؟
ساعة أو ساعتان
- شن تفتحي حاجة تانية في النت من غير المنتدى ؟؟
إيميلي ومنتدى الكساد
اما قسم تحبي تخشيله في المنتدى ؟؟
الألعاب الترفيهية
قداش عدد أفراد عايلتكم؟؟
احني 3ببابا وماما5
شن وجهة نظرك فيا ؟
والله مانعرفك كويس
من أكتر عضو خاطرك تعرفيه ولحد توا قاعدة ماتعرفيشي؟؟
أميرة وبنت ليبية وأمونة
ومن تحبي تحطي في كرسي الإعتراف المرة الجاية ؟؟
والله قاعدة منعرفش
- شن أفضل قناة عندك ولا تحبي تتفرجي عليها ؟؟
طيور الجنة وسبيستون وmbc3
وان شاء الله ماطولت اعليك
عادي حبيبتي تفضلي ولو..............

وتوا علي أسئلة ألاء
كم رصيدك ؟
6درهم للأسف مفلسة
- لو كانت استاذة زهرة توا قدامك شن كنتِ حتفوليلها ؟
حنقلها كيف حالك ياريت اديري تانوي في المدرسة
عبريلي عن كل عضو من الاعضاء هادم في سطر
المكسدة :والله بنت تهبل وكويسة ونحبها وكلها فل على فل
جوهرة القصر:ماشاء الله عليها شاطرة ومحترمة وتحب كل الناس وابتسامتها ديما في وجهها
باتو
محترم وجوه مليح وخجول
لولو15
والله اللي نقوله عليها شوية تهبببببببببل مافيش منها اتنين ومحترمة وخفيفة الظل
امونة:والله شخصيا منعرفهاش بس نحس فيها جوها حلو دمها خفيف من ردودها
سمايل:هادي بنية أمورة وشطورة ودمها خيف ونحبها
دعاء:جوها حلو إجتماعية وتحب الناس كلهم
الساعة كم ارقدتي اليوم ؟
الساعة2.5 ممكن
شن هي اكثر حاجة تتضايقي منها ؟
الظلم والتعليق والتحريش
شن ترتيبك في العيلة ؟
التالتة أصغر وحدة
السلام عليكم
وعليكم السلام ورحمة الله

وتو نجاوب علي اسئلة شفاء:
شن اكتر حاجة ازعلتي منها السنة هادي ؟
والله أكتر حاجة زعلتني كيف خنبو مني موبايلي وكنت نحبه هلبة وخنبوه في الإمتحانات والمشكلة اني نعرفها البنت اللي خداته بس مقدرتش نقلها تحشمت
اكتبي سطرين اعليا؟
انت بنية أمورة وكويسة ودمك خفيف وشاطرة ماشاء الله عليك

توا سؤال سرور
قوليلى انت مرام بوحجر ولالا؟
أنا مرام اللي تقصديها بس أنا ماما لقبها بوحجر مش أنا لكن أني مرام اللي تقصديها

توا سؤال سرور
قوليلى انت مرام بوحجر ولالا؟
أنا مرام اللي تقصديها بس أنا ماما لقبها بوحجر مش أنا لكن أني مرام اللي تقصديها

انتي اشطر يا مروووووووووووووووووووووووووو وسؤال 1-امتى اخر مرة ضربتي روحك 2- كان واحد عاكسك في الشارع شن حتكون ردة فعلك

1 شن هو العيب اللي في نفسك وما تبيش يكون عند الناس التانيين ؟
الزعل بسرعة
2 هل تحبين القراءة ؟ شن هو الكتاب اللي قريتيه مرة وعجبك ؟
بصفة عامة لاأحبها ولكن مرات نقرا في مجلات ومجلة ماجد أكتر شي
3شن هي طموحاتك ؟
رضا الله وإن نكون ناجحة في حياتي ونكون دكتورة ناجحة
4 هل تغشين في الاختبارات ؟ ولماذا ؟
والله الحق نسمي لكن مناخدش إلا كان حاجة نكون قاريتها وناسيتها بس
اما اكثر موضوع عجبك في المنتدى ؟
كلهم حلوات
8شن لبستي في اخر طلعة ليك ؟
انت تقصدي في السوق ولا في طلعة.لم أفهم قصدك
9شن رايك في المناهج الجديدة ؟
حلوات وساهلات بس أكيد في شوية صعوبة
10 شن هو هدفك الاكبر في الحياة ؟
رضا الله ونكون ناجحة في حياتي وسعيدة
انشاء الله كانت اسئلتي خفيفة ولطيفة عليك
والله أسإلتك حلوة ولطيفة زيك

شن الجو أنسة زعوله؟شن مدايرة؟ 1 _ شن المواصفات اللي تتمنيها في شريك حياتك المستقبلي؟2_ من البنت اللي تكرهيها ومش قادرة تصارحيها بالموضوع؟3_شن هيا الحاجة اللي مش عاجباتك فيا وفي أميمة وألاء بصراحة؟ مولية يوم ثاني إنشألله

مابعدك يامرام هذا ماسألتيشي هلبة كان سألتيه هلبه شن صار الحمد لله إللي ربي عافانا ربي يعاون أوعر أسئلة ريتها في نضري ربي يعاون يامرااام

اعلين جوهرة ليبيا يعنى مرااااااام يعنى بنت بن مالك نورتى كرسى الاعتراف
تعرفى والله شكلا بيهبلوك مابعدك المهم نبدو فى اسئلتى بس اهم حاجة تجاوبى بصراحة اوك
1ّ)انتى عمرك حبيتى لازم تجاوبى بصراحة وكان ماحبيتيش على الاقل اعجبتى بواحد عادى قولى الحب مش عيييب
2) حتى هو ا شبيه من الاول من الولد الى كان يعجبك فى التقدم هكى يعنى بشخصيته وخلاقة وجوه قو لى عادى مانعاودش انى :&)):
3) انتى سمينة ولا ضعيفة وتاكلى هلبة ولا لا لازم تقولى وزنك الحقانى :&)): قبل الرجيم الى ديرى فيه باهى
وهكا هوا عايش خويا
ممكن نرجع كان لقيت اسئلة سلام تقبلى مرورى

حقا حقا
نسيت حاجة
فى يوم قرمتينى ولا قلتى عليا حاجة
صفى النية يا بنت راهو نعرفك
باهى واتكلمى على الاعضاء هيا فى المنتدى لازم مش تقولى منعرفهمش


المكسدة الى هيا انى
باهى ولولو والاء وباتو
good for all
والشاطر وملوكة وخلاص اسفة كان ثقلت عليك
لكن عادى جاوبى مش تبى كرسى الاعتراف

هيا يا مرام وينك

مرام توا تاكل مش فاضية

أكييييدة مراام شافت الأسئلة خافت تقولك شن الورطة اللي تورطت فيها وتوادبر في حل لعمرها صح وإلا مرام أحسن أسئله متع أميمة وهيثم

واااااااااااااااااااااااااااااااااو أصعب أسئلة شفتها في حياتي والله مازال أسئلة الإمتحان النهائي أسهل منها شوركم تبو تنتقمو مني شن هادا؟؟؟؟؟؟؟؟؟؟؟؟؟؟؟؟؟؟ غدوة نجاوب عل الأسئلة كلها ان شاء الله خاطر توا ماشية للبحر والله مافاضية أسئلتكم تبي يوم كامل للتفكير وأسفة لو عطلت عليكم في أجوبتي بالله سامحوووووووووووووووني

+
----
-شن الجو أنسة زعوله؟
الحمد لله تمام.
شن مدايرة؟
أه الحمد لله
_ شن المواصفات اللي تتمنيها في شريك حياتك المستقبلي؟
إن يكون على دين وخلق وجمال ومال ونسب وإن يكون يحبني ومستحيل يخونني.
_ من البنت اللي تكرهيها ومش قادرة تصارحيها بالموضوع
والله اني منكرهش حد الحمد لله
مولية يوم ثاني إنشألله
تقضلي امتا ماتبي ولي

1 - شن خلاك تختاري اسم جوهرة ليبيا النادرة ؟
2 - امس لما امشيتي للبحرقداش كمية الميه اللي شربتيها من البحر ؟
3 - شن شعورك و انتِ ي اليوم الرابع علي كرسي الاعتراف ؟

4 - شن هي الحاجة اللي تتمنيها تتغير في المنتدى ؟

5 - شن هي حكمتك في الحياة ؟
6 - شن هي طموحاتك ؟

7 - حققت نصف طموحاتك ولا مزال ؟

8 - كم ساعة يوميا تقعدي امقعمزة علي التاليفون؟
9 - شن هي فكرتك علي الكشاف ؟
10 - شن رايك في اسئلة باتو والمكسدة و لولو



طولت


تو بنولي

السلام عليكم و رحمة الله و بركاته

مرام وينك زهقت كبدي وأني نستنا هيا جاوبي

1.. شـنْ ردـت فعـلْ عيـلتكْ لمـا قلتيـلهمْ تحشمتْ نقُولْ للـ بنتْ انتيِ خنــبتي موبايــلي ..؟
عادي لكن قعدنا نسحنو عليها شوية لكن بعدين عادي فيها خيره
2..وَ الـــبنتْ هـيا بعدْ مـا خنبتْ المـُوبايلْ كـانت تصرفـاتها عاديهْ وتتـعاملْ معاكـْ معاملهْ طبيـعيه .. ؟
لالا ماهو أنا قعدت نضرب في المعاني ونقول اللي خنباته ان شاء الله تصيرلها مصيبة وهي وجهها يولي أصفر في حاله وتقولي معش تدعي ياسر
3.. تفـرجتي عـليِ مبارهْ الأهليِ وَ الإتـحاد اللي فاــتتْ .. ؟ وفي مـنْ تشـجعي .. ؟
لا متفرجتش عليها لكن حكولي عليها وأني نشجع في الأهلي
4.. شنْ رايــكْ في الشــلافطي احمــدْ الزووي عيـــلْ الإتحــادْ وَفي تـصرفاتهْ .. ؟
والله أني شخصيا منعرفاش لكن يحكولي عليه وقالو شعبوط في حاله
5... تـعرفي تــطيبـيِ ...؟ وَشنْ أحــسنْ أكلـهْ عندكـْ ..؟ وَ تعاونـي في خواتكْـ وأمكـْ [ رَبيـ يحفظهمـ ] في ضـمانْ الحوشْ وَ التطييـبْ ..؟
أكييييييييد نعرف نطيب ونضم كله الحوش بروحي فوق ولوطة خاطر أختي توا عندها امتحانات الجامعة وحني 2بنات بس
لكن التطيب منساعدش
6.. شنْ أخـرْ فيـلمْ شفتيـهْ ..؟
والله منتبعش فيهم الأفلام منحبهمش
8.. برنـامجْ شفتيـه..؟
oprah
9.. أحسنْ قنـاهْ عندكـْ ..؟
طيور الجنة وسبيستون
10.. شنْ يعنيـــلكْ الجوجــلْ ..؟
الصفحة الرئيسية في النت
11 ـ Nikon مـاركة شــنُو تـراَ ..؟
أظن انها ماركة كاميرا أو صنة بس كان غلط متضحكش عليا
12.. منْ أقـربْ عضـو ليكْ في المنتـديَ ..؟
لولتي (لولو15) والمكسدة
13.. تـرا ترجمـيلي المصطـلحاتْ هيـا للغلهْ العربيه الفصـحهْ
أ.. برويــطهْ
حاملة القمامة

ب.. نــفخ
وجاع راس

ج.. طـانطهسيارة كبيرة


د.. ستــاقوبـا
أول مرة نسمع بيها


ز.. طاجيــنْ
جماد صنوع من الألمونيوم


و.. قاراجْ :باب كبير يوضع فيه السيارات


ي.. دراه كبــدْ
لاأعرف والله أني مش قاموس

14.. شنْ رايكـْ في الـولادْ الليـ يديرُو في جَوْ الــإيموُ وجــوْ الروكــْ وَ يلــبسوُ زيهمـْ ..؟ وَ بـاللهْ شن تقــوليلهمْ ..؟
والله مهبلة يحسابو روحهم حلوين لما يتبعو فيهم وهم والله عكس ذلك مساكين يحسابو روحهم أجانب.ههههههههههه ونقلهم ياسر بل هبال وتختيش زايد وفيقو علي عقلكم

15.. قداشْ سـألتكْ سؤالْ لـ توا ..؟
15
16.. شنْ كـانْ شعوركْـ وَ انتي تـجاوبي عليهمْ ..؟
نرعش في حالة وكل مانجاوب سؤال بطني توجعني أحرف من اللي قبله
17. علاقتكـْ بـصاحبتكـْ اللي كـانُو معاكْ في التقدمْ قاعدهْ زي مـاهيـَا ..؟
أكيييييييييييييييد وأكتر

18.. شنْ رايكـ فيِ أبلـلهْ فتحيـهْ متع الانـجليزي ..؟
والله هي كانت تحبني لكن أني مش هلبة خاطر كانت عقلها الصياح والتطليع برا وراسها وراس الولاد
19.. عبــري سطــرْ واحدْ علي فصــلْ تــاسع \ سابعْ
والله مع احترامي ليك فيه ولاد جوهم يدره الكبد حشاك طبعا لكن بصفة عامة جوه حلو وكان مشاغب وديما عند البيزا واني هكي نحب نحب الفصل المشاغب لأن يدير في جو

20.. شنْ رَايكْ في أبـلهْ وِدادْ ..؟
هادي أبلة تهبببببببببببببببببببببل والله نكتب عليها حتى 1000سطر شوية لأنها أبلة مش عادية ومافيش زيها اتنين أبدا

21.. كــثرتْ عليكْ الأسـئله والا ..؟
لالالا عادي تفضل
22.. ا

صـعبْ ســؤال جـاك لـ توَا ..؟؟
عبري باللغة العربية لأن أني مش قاموس


يـاسركْ تــَوا


مَرــاتْ نرجــعْ

وا بنجاوب علي أسئلة ألاء:
شن خلاك تختاري اسم جوهرة ليبيا النادرة ؟
والله خاطر أني جوهرة نادرة وبلادي ليبيا فأني جوهرة ليبيا النادرة(خالتي شكرية)

2 - امس لما امشيتي للبحرقداش كمية الميه اللي شربتيها من البحر ؟والله شربة هلبة لين بطني ولت منفوخة
3 - شن شعورك و انتِ ي اليوم الرابع علي كرسي الاعتراف ؟
فرحانة ونتمنى نقعد مقعمزة

4 - شن هي الحاجة اللي تتمنيها تتغير في المنتدى ؟
نتمنى أن هو ينشط ويقعد ناشط زي توا باه توا ولى ناشط
6 - شن هي طموحاتك ؟حب الله ورضاه عني ورضا ماما وبابا وان نكون ناجحة في حياتي

7 - حققت نصف طموحاتك ولا مزال ؟
الحمد لله رب يقدرني

8 - كم ساعة يوميا تقعدي امقعمزة علي التاليفون؟
والله منقعدش هكي ساعات متواصلة لكن الحق نتكلم هلبة في التلفون
9 - شن هي فكرتك علي الكشاف ؟
لم أفهم السؤال.
10 - شن رايك في اسئلة باتو والمكسدة و لولو والله أسئلة باتو طلعتلي الشيب في راسي بس حلوة
وأسئلة المكسدة خليها بروحها تبي اسبوع للتفكير تبي تنتقم مني شورها
وأسئلة لولو عادية حلوة عجبتني
طولت
لالا عادي تفضلي نحب من يسألني عادي
تو بنولي

السلام عليكم و رحمة الله و بركاته

أكييييدة مراام شافت الأسئلة خافت تقولك شن الورطة اللي تورطت فيها وتوادبر في حل لعمرها صح وإلا مرام أحسن أسئله متع أميمة وهيثم
وخفت وتسكتي والله قريب جتني الجلطة بالدات اسئلة أميمة

السلام عليكم ورحمة الله وبركاته
شن جوك اليوم؟؟
كيف حال الصيف معاك؟؟؟
عمرك اتمنيتي انك تنتحري؟؟؟
في لعبة عندك اتحبيها؟؟
أما أغلي حاجة أهدهالك صحباتك؟؟
كم خاطرك تقعدي علي كرسي الاعتراف ؟؟
ان شاء الله ما قصرتش

توا نجاوب علي أسئلة المكسدة
1ّ)انتى عمرك حبيتى لازم تجاوبى بصراحة وكان ماحبيتيش على الاقل اعجبتى بواحد عادى قولى الحب مش عيييب
احم احم مممممممممممممممممممممم منعرفش هههههههههههه
2) حتى هو ا شبيه من الاول من الولد الى كان يعجبك فى التقدم هكى يعنى بشخصيته وخلاقة وجوه قو لى عادى مانعاودش انى :&)): كشخصية وكأخلاق يعجبني محمد العرادي وعبد العزيز السيوي وسامح وأحمد البصري وميسر لكن بالله متفهموش غلط والله مافي حتى حاجة
3) انتى سمينة ولا ضعيفة وتاكلى هلبة ولا لا لازم تقولى وزنك الحقانى :&)): قبل الرجيم الى ديرى فيه باهى
أنا أنا أنا متوسطة والله وزني معش قسته ليا هلللللبة والماكلة ناكل لاكن مش جازورا

مرام اسئلتي في الصفحة الاولى جاوبي اعليها

اهــــــــــــــــــــــــــــــــلا مرام
شنو الجو؟
رسمي متحبي حد ولا غر تسايري فينا وقولي الحق؟
شنو اخر مره طلعتي فيها لصاحبتك؟
اعطيني اقوا شخصيه مرت بيك لولد و لبنت؟

مرااااام جاوبي يافلوحة وين هربتي أني معجبة الصراحة بالأسئله هههههههههه إنتقمومنك إنتقام مش عادي الصراحة أني الأولى كان يسألوني الأسئلة هاذي نهبل أوكي عينوها ياجماعة وين ماشين بيه هذا كله ...وربي يعاون

اهلا طه نورتنا باه اللي فتحت النت توا خلي نجاوب علي اسئلتك:

شنو الجو؟
ملييييييييييييح
رسمي متحبي حد ولا غر تسايري فينا وقولي الحق؟
أه أه أه والله مممممممممممممممم احم احم
شنو اخر مره طلعتي فيها لصاحبتك؟
أمس أكيييييد
اعطيني اقوا شخصيه مرت بيك لولد و لبنت؟
والله مافهمتش السؤال شن تبي نعطيك من هما؟

اهلا شجو نبي نسئلك؟
الساعه كم ترقدي وتنوضي

فى يوم قرمتينى ولا قلتى عليا حاجة
والله مانتفكر يوم تكلمت عليك واصلا انا منتكلمش علي صاحباتي


باهى واتكلمى على الاعضاء هيا فى المنتدى لازم مش تقولى منعرفهمش

المكسدة الى هيا انى :تهبل وجوها ملييييييييييييح
ولولو :هادي تهبببببببل ونحبها نموت فيها ومستحيل نستغنى عليها ولا هي تستغنى عليا
والاء:شخصية تهببببل ويحبها الناس كلهم
وباتو:جوه مليييح وناشط
good for all:مممممم شن نقول عليك ياطه احم احم
والشاطر :والله مانعرفه
وملوكة :نحبها ماشاء الله عليها تهبل
وخلاص اسفة كان ثقلت عليك:عادي تفضلي حتى كان بتزيدي عادي

مراااام الفلوحة والزعولة شن جو شخاشيرك ؟؟ أكيدة في حاله لايرثي لها !!!ههههه شن جوك ؟ من هيا البنت إللي مشيتيلها آمس قولي وردي بالك تجاوبي عليا من غير قصقصة فهمتي ؟؟؟معقولة معمركش قرمتيني لأني ولا أميمة ؟ قولي الحق من غير بلعطة !!! قداش عندك شخشير؟؟ مم شن لون الشخاشير المفضل عندك ش ن اللين المفصل عندك ؟ ويلا سسلاااااا قارص

هيا جاوبي شن هذا سنتين نستنو وراك هلبة أسئلة تبي إجابة يافلوحة يازعولة

اهلا .........كيف الحال؟ شن الجو؟
مش لعبنا الصراحة وياسر ما درنا لكن كان تبي نسألك مدبيا عادي
اسمعي نسالك سؤال جاوبي بجد ومن دون رسميات شن اكثر موقف اتضايقتي فيه منا اني بصفة خاصة وخوتي بصفة عامة ؟ وشن كان خاطرك اتردي علينا ؟ وطالما انت مرتاحة على هالكرسي قوليلي اما تحبي اكثر ربعونة ولا مودة؟

اسمعي نسالك سؤال جاوبي بجد ومن دون رسميات شن اكثر موقف اتضايقتي فيه منا اني بصفة خاصة وخوتي بصفة عامة

والله منك منتفكرش اني اضايقت منك لأنك مادرتيلي شي وكمان خوتك والله كلكم فل علي فل
؟ وطالما انت مرتاحة على هالكرسي قوليلي اما تحبي اكثر ربعونة ولا مودة؟
والله هادوكا الاتنين زي بعض والله مانفرق بينهم وشكرا عل الاسئلة

+توا خلي نجاوب علي اسئلة لولو وهي من بكري تسحن----
-مراااام الفلوحة والزعولة شن جو شخاشيرك
الحمد لله اه قاعدين في القجر يسلمو عليك
؟؟ أكيدة في حاله لايرثي لها !!!ههههه شن جوك ؟
في حالة اسكتي ساكتة هههههههههه جوي مليح
من هيا البنت إللي مشيتيلها آمس قولي وردي بالك تجاوبي عليا من غير قصقصة فهمتي
حبيبة عمري والله ممشيتلهاش لكن تلاقينا في مكان مش لازم دكر اسماء وحني قريب يوم بعد يوم نتلاقو
؟؟؟معقولة معمركش قرمتيني لأني ولا أميمة ؟
والله مانقرم فيك خزي أصلا اني منقرمش في صاحباتي
قولي الحق من غير بلعطة !!! قداش عندك شخشير؟؟
والله مانعرفش العدد لكن هلبة
مم شن لون الشخاشير المفضل عندك
والله بودري
ش ن اللين المفصل عندك ؟
أحمر وبودرا وأخضر
ويلا سلاااااام قارص
_________________