طيبة القلب = ضعف الشخصية...موضوع للنقاش

هلا
في رأيي الطيبة كويسة لأن الله طيب يحب الطيب
وفي رأي الناس الطيبه عيب لأن هدا الزمن زمن غدار
وفي بعض الأشخاص يستغلوا في الشخص الطيب
ولي عودة انشاء الله

االسلام عليكم ورحمة الله وبركاته...
نشكر الاء على هدا الموضوع الشيق لطرحنا إياه...
لطيبة صفة محمودة ورائعة وموجودة في صديقاتي وبالأخص آلاءلكن للأسف في عادة سيئة جدا وهي أن الناس يستغلوا في الطيبين لأبعد الحدود وفي الحقيقة اللقطة هدي صارت معاي بالفعل !!! لكن أحيانا تكون الطيبة مش كويسة هلبة لأن في ناس يعتقدوا إن في هادي ضعف شخصية ورأيي أن هدي المعتقدات خاطئة جدا...بالعكس اني نعتقد أن الطيبة وضعف الشخصية مختلفين تماما ...
لدا نتمنى أن الطيبة تكون موجودة في كل مكان ويتحلوا الناس بهدي الصفة العظية ....وشكرا

لولو 15 و جوهرة القصر مشكوووورين علي ارائكم
و اني تعرفوا و الله قعدت انفكر فيه هلللبا الموضوع
لكن لاحظت ان هلبا هلللبا هلللبا ناس ايشوفوا اي شخص طيب يقعدوا يضحكوا اعليه و يتسهوكوا
و ايقولوا شوفوا شوفوا ما عنداش شخصية
لاحظوا حتى لما اتصير مشكلة و الشخص ما ايكونش غالط
و لما يعتذر يقعدوا ايقولوله بلهجتنا يا مهزب يا { مسكس } زي ما سمعت هلللبا ناس هكي ايقولوا
مع ان هذا كله الرسول وصانا بيه

صح ولا
باه نبي رايكم

السلام عليكم
اول حاجة مشكووورة الاء علي هدا الموضوع
واني راي ان طيبة القلب كويسة لكن لها حدود لان هناك ثعالب (ان صح التعبير) يستغلون هده الطيبة , يعني الانسان الطيب لازم ما يكون حذر في نفس الوقت ....

سلام

ايه اني معاك ان ايكون حذر
و لكن مش من رايي ان ايكون ليه حدود
عادي شن فيها لو كان الشخص طيب هلللللللبا

السلام عليكم ورحمة الله وبركاته

طبعا مشكورة يا الاء والموضوع
اعجبني هو ايه صح ان الطيب عادي
يكورن طيب اكثر من اللوزوم لاكن
لو كان طيب هلبة مستحيل ياخد حدره
لان زي ما قالت sam ان هم زي التعالب
والتعلب امكر حاجة لان هو ممكن اي انسان
يستغل الشخص الطيب والشخص هو ما يعرفش
ومش حا يشك في ولا واحد لان هو طيب هلبا فلي هدا
حا ينضر هلبةة ولو هدا الشخص استغله واحد بس
حا يجو كلهم ويبدأ بالواحد يسغل فيه هدا الشخص
فلهدا والله حررررام لو الناس ادير هكي وعيب يعني مش
حرام بس




وان شاء الله تقتنعوا برايي
والسلام عليكم ورحمة الله وبركاته

والله صح كلامك وكان هدا قصدي لما قلت الطيبة لها حدود


ومنورة الاء عالموضوع


سلااااام

شكرا يا سام

سلام شكرا الاء على الموضوعوهوا حق يستاهل النقاش هلبا واني من رايي ان الطيبة صفة حلوة لكن ماتتمشاش مع كل الناس لانهم مرات يديروك ضعيفة الشخصية وزي ماقلتي لكن مفروض الواحد ما يتخلاش عليها بس ما يعطيهاش الا للناس الي تستاهل والطيبة حتى هيا

اني مع ان يكون الشخص طيب وبخصوص مسالة الاستهزاء من قبل الناس اعتقد ان العيب مش في الطيب بل العيب فيهم هم
لكن لما يكون شخص طيب هلبااااااااااااااااا لازم ما يكونش طيب لدرجة انه ينزل من كرامته بحيث ان هو يعطي حوشه وفلوسه وجهده وكل اللي عنده ويقول اني طيب !!!!!!!!!!!!!!!!!

مش كل من طيب ضعيف الشخصيه اهو اني متلا شخص طيب طيب جدا لابعد الحدووود ومع هدا ما يقدرش حد يبيعني ويشريني شخصيتي قويه لكن اني فعلا طييييييييييييييييييييييبه

طيبة !
شخصيتك قوية!
باين والله من اسلوبك .

احترمي نفسك وأوقفي عند حدودك خير ما انوريك الوجه الثانيي يا كلوفر فاهمه؟؟؟؟؟؟؟؟؟؟؟؟

معليش في سوء تفاهم صاير مع مسعوده ,اني نبي نفهم حاجه وحده انت خاشه عشان تنقضي بس وإلا عندك غرض ثاني ونبي نقول للاعضاء مش هكي ايكون التفاهم خيركم سخنتو بسرعه رجاء خاص ارجو تغير طريقة التفاهم لان مسعوده ليها حق في المنتدى زي ما عندكم حتى ولوغلطت,ولو سمحتي يا مسعوده خلينا نتفاهمو معاك شويه شويه

هيا البنت هدي ما تبيش تتفاهم وناوية الشر بالعكس مفيش من اطيب من أعضائنا وأول ما خشيتي عاملناك زي أختنا بالزبط لكن كان تبي نغيروا المعاملة عادي مفيش اي مشكلة

ايه صح الطييب مهبوول في يومنا اهوا
الله غالب الطييب ياكل على راسه ويعتبره الغير ضعيف الشخصية
مشكوورة لولتي

عقول توا مش زي زمان   










مشكوره

ايه كلام رنيم بس الزمان هادا يبي الشخصية القوية