اليوم حسيته نفخ شويا لاكن امشي الوقت وخدتنا الدوة نضت الساعة 7 و10 بالزبط وتيت روحي وطلعت الشارع ماهو نمشي ع رجليا عاد كيف قااااالو رياضه لاكن اهو انمشو في الوقت طبعا طارحلهم من فوق روك متفهم شي و من لوطه سروال عسكري ههههههه وكنوفيرس الي مرسوم عليه الجماجم تو انحط صورته الناس تشبحلي في الطريق يا سبحان الله شن اول مره اشوفو واحد يلبس روك بهذي الطريقه؟؟؟؟
!!!!
اوصلت لي لمكان الي انعكس فيه اني وقروبي القيت لمكان فاضي
هذا شن
بروووحي!!!
و امس كسرولي راسي بالاتصالات بتمشي غضوا يسألو فيا ع اساس بيمشو زي ماقالو!!
طلعت دوة بس والي نتصل بيه ايقولي لا ارقدت قعدت بروحي امعكس لاكن ايونسو فيا اغاني احمد السوكني ههههه جت الساعة 8 وربع خشيت المدرسة ..... تي هذا شن
وين الاطفال ... قصدي الطلاب
اامشيت الساحة ارتحت الي شفت بشر لان حسيت روحي اني بس جيت نقرا هههههه
لاكن اوجوه جديده هذو سنة أولى
هههههههه مفهمت شي اوصلت وسط الساحة اندور ايمين ايسار
انخلعت تي شن اني بس قصدكم جيت اليوم من 18 الطالب في فصلنا ؟؟؟
ااااااه لين شبحت القطوسة ههه نفاخ بس امشي الوقت عيدت اعليه و هدرزنا جوره اجي الرونق وي العراقي طبعا فوق كدب ما يغلبه حد بعدها جي رمضان الليمه الاجواء زادت سوووووءا ما هذا
الجو كئيب لين جي حبيبي حميد ههههههههه لما اشبحته جاي من فم باب المدرسة فرحت اتقولي الدنيا كانت ضلام وهوا كان شمعة بعدها بلا لال لالال لال ........إلخ
خشينا الفصل
المقااااااااااااااااااعد تابتات وااااااك ومش لاصقين في الحيط شن هذا الليمه قالي احسن باش نقدرو انقولو تي مصح وحجهه انسي ان النوم ليه دور في الاجابه قبل التطبيق ؟؟!!
بعدها كل واحد حكي قصة حياته كلها ههههههه من اول ما تمت المدرسة لين بدت من جديد الي خش صالة حديد ولي ضحكو عليه اخدم في دكان منزليه يعطو فيه 170 ضلم ضلم عيني عينك الناس تخلص بي 375 وهو 170 الله غالب الولد نيه ما علينا
بعدها لزونا لي الساحة اشحطو فينا في الشمس
دورنا جيهه ظل وخدينا المقاعد درنا جلسه باش نبدو انعكسو فيها وقت الاستراحه
لين جت الساعة 12 قالولنا روحو و تعالو غضوا خدو لكتابات
تحياتي ميسو ..........
الثلاثاء 14 أبريل 2020, 6:53 am من طرف memo.mms
» الضغط ودكتور محشش
الإثنين 21 سبتمبر 2015, 7:06 pm من طرف alloxlola
» ماعاش في أمل خلاص ؟
الإثنين 21 سبتمبر 2015, 7:05 pm من طرف alloxlola
» the one
الجمعة 04 أبريل 2014, 1:31 am من طرف loveone
» asefa 3ala el3'eyab
الإثنين 10 مارس 2014, 10:54 pm من طرف رنيم
» هـــــام لجميع الأعضاء " مـوعـدْ للقــاء "
السبت 09 نوفمبر 2013, 9:42 am من طرف alloxlola
» سؤاااال محيرني ؟؟؟
الثلاثاء 07 مايو 2013, 11:15 pm من طرف Dante
» شعر من تأليفي على الإمتحانات
الجمعة 08 مارس 2013, 2:13 pm من طرف رنيم
» إحساس مؤلم!!!
الجمعة 15 فبراير 2013, 4:43 pm من طرف جوهرة القصر