دعوة اشتراك

ندعوكم نحن فوج حي الاندلس للكشافة و المرشدات بالاشتراك في الحركة الكشفية
للاستفسار يرجى كتابته هنا و الى كل من لديه رغبة بالاشتراك

:cyclops: ملاحظة :cyclops: :cyclops: ارجو من الذين سبق و اشتركوا بالحركة الكشفية أن يخبرونا بمدى استفادتهم من الحركة الكفشية و ما شعورهم و هم أحد أبنائها




الالسلام عليكم و رحمة الله و بركاته

بس دة في لبيا صح ومشكورة يا عسل

الى كل الراغبين في الاشتراك نصيحة لا تفوتو عليكم فرصة متل هذه يعني(مغامرات_وتعلم حاجات روعة_واعتماد على النفس)
كل هذا واكثر عند الاستماع الى اصحاب التجربة مثل admin

شكرا ليك أختي elisabeth14

و هاذي نصيحة ما اتفوتوهاش


السلام عليكم ورحمة الله و بركاته

السلام عليكم
انا أحد المشتركين بالكشاف
والله وهو الي يعلمك الحجات
الي ما تعلمتهاش في حوشك
واني بصدق والله من دون
الكشاف ممكن ننتحرلان
هو الي بمثابت امي وابي
وننصحكم تشاركوا فيه
وانا والله يعني انحب انكم
تشاركوا في فوجنا
والسلام عليكم ورحمة الله وبركاته

زعمة؟؟

والله انتم مش مصدقين لكن هدي الحقيقة

باهي ملييح

مش مليح وبس والله

باهي ملييح هلبة برشة

نشالله يكون زي ما تتكلموا عليه

و الله أحسن حاجة درتها من امتى انولدت لي توة اني خشيت الكشاف
و بذن الله مش حنطلع منه بكل
و الحمد لله توة ليا تسعة سنوات و ما مليتش منه ولا لحظة
السلام عليكم و حمة الله و بركاته

ما شالله .............9؟

تسعة و الحمد لله

اني ليا 5 سنوات

ملاك بلا نفخ احنى مصدقينك ياسر بلا حلف على الكشافة انا شابحتها وعارفتها والله تماااااااااااااام مشكورة لاكن يا الو على الموضوع الحلو

طبعا الكشاف من أرووووووووووووع الحركات اللي شفتها في حياتي


صح اني ملياش هلبة خاشة لكن في 4 ولا 5 شهور بس واللهي تعلمت هللللللللللبة حاجات

وشاركت في دورة المهارات وملتقى العائلات وعرفت ناس جديدة ودرت صاحبات جدد

والقادة والقادئات بسم الله ماشاء الله

لا تعليق يعني لو قالولي وين تبي تقعدي في المدرسة ولا الكشاف

من دون تفكير وعيني مغمضة نختار الكشاف

صح حتى المدرسة يعني ما عندي ما انقول عليها

لكن في ابلات جاهلين <<<<<حشى الابلات الكويسات

يعني ميعرفو غير الضرب والجلد والسبان بس

يعني في ابلة في مدرستنا منبيش انقول من هيا

لو داروا حصة تعليم السبان حتكوون هيا أحسن ابلة في المادة


وفي الكشاف لا ضرب ولا جلد مفيش شي من الحاجات هيا


تشاوات توا ليا رجعةة




وكل اللي مخشش للكشاف انقوله كانا مخيتش فات عليك نص عمرك



بااي

ههههههههههههههههههههههههههه
باهي الكشاف انقولك ميزاته الرحلات والمخيمات
والدروس متاعه حلوة

اني مانحبش الكشاف وعلي العموم شكرا

العفو

لكن فات عليك نص عمرك يا لووف

اما نصه كله
يهببببببببببببببل صح ما قعتش فييه فترة طووولة لكن مش عاادي
اكتر حاجة عاجبيتني الحفلااات
امكان ايفادة واستمتاااع مش عاادييي

مشكووووووووووووووووووورة

و في حاجة تانية في الكشاف حلوة

انهم مش زي المدارس اللي ايقولوه ايطبقوه صح

يعني في المدرسة انقولوا في نداء الراية و انقولوا في القسم ومن غير حتى ما نعرفوا معناه

لكن في الكشاف عندنا العهد و الشريعة {عشرة نقاط} انبطبقوا فيهم صح

زي مثلا واحد من البنود امتع الشريعة اللي هو البند الاول ايقول :

شرف الكشاف يوثق به و يعتمد عليه

و بناء علي النقطة هادي لو كان في امتحان او اختبار القائد حيكون عنده فيك ثقة
و حتى لو كانت الكراسة اللي فيها الاجابة بحداك حيكون واثق مية في المية انه مش حيغش

و غيرها من البنود

و طبعا انطبقوا فيهم في جميع مجالات الحياة مش غر في الكشاف

و حاجة تانية حلوة في الكشاف انه عبارة عن مسرح ايمكن الشباب من اظهار مهاراتهم و قدراتهم و ابداعاتهم و اينميها


طولت عليكم

السلام عليكم ورحمة الله وبركاته

صح كلامك ألووتي