هدرزة شيابين وعزايز

هدرزة ليبية !
كيف حالكم يا عيلة مع الجو الصيفى الممطر الملى بالغيوم والبطاطين

ومراكيب الفحم والدفيات والكاكوية الساخة والشاهى الاخضر العاقد نين البراد قالك منه ...

هههههههههه عارفكم سخنتو من الكلام .

المهم خليو نخشو فى الموضوع .....................

بنديرو زردة خيالية فى المربوعة وستكون كالتالى ..

المكان : فى المربوعة .

العدد : الكل نبيهم يمشو معانا فى الزردة .

السيارات : حصانك والكيبورد .

المصروف (( العوالة )) : كل واحد يكتب حاجة باش يجيبها معاه .



مدة الزردة : معاش بنروحو نهاركم ملون فى المربوعة ..

هى انى توا بنجيب معاى شكارة دلاع ... واربع لوزات والا خمسة .. وشواية باش نقعمزو عليها .. وحصير باش نشوو عليه ... ومعلاق فحم وكيس والا زوز كبدة .. وسفرة براريد ..وطاستين واحدة حمرة ووحدة خصرة


العضو الى بعدى زعما شنو بيجيب .. هيا يا بخيل .. الكلام خش بعضه ومنصيكمش على قلب الكلام

على فكرة زردة جماعة شباب بنات شيابين عزايز .. اساس الزردة الخرط اللا محدود ....

عقاب اسبوع ويوم خميس وخوكم تام امحاناته وبيفش خلقه ... وشوفو روحكم

تقبلو تحيااتى ... وحصانكم والكيبورد اكيد فهمتو ولاه خشو وقولو شن بتجيبو هيا بلا قفاصة
عزايز وشيابين منى بيجيب العالة


نستنى فيكم

السلام عليكم اعويلة قاعدين ولا لا
جبتلكم فازو خبزة وفردة عسل و حكة شويهي أخضر شني عجبوكم ولا انزيدك عوالة ثانية

هههههههههههههههههههههههههه
تبوا تاخدوا شاهي بالعالة ياحنة ويا منة
والله حني العزايز مش فالحين الا هكي