لماذا>>>): ): <<<:( :(

السلام عليكم و رحمة الله و بركاته
هللللبا ناس مش فاهميين معنى الكشاف
و اي وحدة من صاحباتي انقوللها خشي معاي للكشاف
يا اما اتقولي لالا الكشاف امتاع صغار بري يا طفلة ...قاعدة صغيرة
و اما اتقولي لالا بابا ما خلانيش
قالي مش كويس
و البنات الكويسين ما ايخشولاش
و اللي ايقول لا مختلط
و اللي ايقول لا ايعلم في حاجات مش كويسة

اغلبية الناس مش فاهميين معنى الكشاف

تعرفوا الكشاف هذا اللييتكلموا اعليه هكي شن قصته ؟؟
في بريطانيا لما صارت الحرب الععالمية الثانية
في واحد اسمه اللورد روبرت بادن باول
كانايشوف كيف الناس ايحاربوا و كيف يتعبوا
و كيف هلللبا ايموتوا
و كيف هلبا ينجرحوا من غير ما ايجي حد ايساعدهم
امشي بعدين اجمع مجموعة اولاد في عمرنا احني
و قاعدين ايساعدوا في النناس
ايداوا في الجرحة
يدفنوا في اللي ايموتوا
و كل اللي ايديروا فيه اعمال خيرية
و عبد ما تمت الحرب قالوا هي توا بنساعدوا في تعمير البلاد
و بعد ما كملوا تعمير البلاد
قالوا باهي توا كملنا كل شي شن بنديروا
امشي قرروا ان هم يجتمعوا يوم في الاسبوع
يتعلموا فيها حاجات
زي مثلا الاسعافات
و هلللبا حاجات اتساعد الناس
ومن اهني تاسس الكشاف
يعني لما تاسس تاسس بارقى المباديء الانسانية
و لي توا كان همنا الاول و الاخير ان احني انديروا الاعمال الخيرية و انساعد الناس
هذا مع تغيير الجو و الاستمتاع
امام من ناحيه ان هو مختلط
لا
لان الكشاف امقسم حلقات
علي حسب العمر
الصغار بكل اشبال {اولاد } و زهرات {بنات}
و بعدين فتيات { بنات } و فتيان { اولاد}
و بعدين مرشدات {بنات } و متقدم { اولاد}
و بعدين دليلات { بنات }جوالة و بحرية {اولاد}
و اجتماعات البنات بروحهم
و اجتماعات الاولاد بروحهم
ممكن نتلاقوا في المناسبات بس

و لكن ما اتكونش مختلطة
حتى في الرحلات و المخيمات كل واحد يقعد علي حاله
و اللي ايقول ان الكشاف لصغار
و ان اللي فيه كلهم اطفال
اني بنقول ان عمل الخير عمره ما كان بالعمر
و اني مستحييييييييييييييل مهما ايصير اني نطلع من الكشاف
حتى لو ان الكشاف اليوم مش زي كشاف قبل
احني اللي فيه حنخلوه زي كشاف و زمان و احسن
و نتمنى توا كل واحد ايخش ايقول رايه علي الكشاف
و و علاش هو ما خشلاش
و كان ما يبيش و علاش

السلام عليكم و رحمة الله و بركاته

باهي ممكن تقولي وين هو هذا الكشاف وشن اديروا كل اسبوع

حانجاوبك اني :

الحركة الكشفية حركة طوعية أخوية تربوية متميزة, طوعية ينتسب إليها الناشئة باندفاع ذاتي عن رغبة أو ترغيب, وهي أخوية لا يشعر المنتسب بفوقية ممن هم ارفع منه درجة ومرتبة بل يشعر بان هنالك أخوة له يساعدونه على بناء شخصيته المتميزة بأسلوب لبق مما يجعل أخوّة الحركة الكشفية تفوق في حالات كثيرة الأخوّة الشرعية بين أبناء الأسرة الواحدة...

وهي حركة تربوية حيث تعني بجوانب مهمة من الشخصية البشرية من الناحية العقلية والبدنية والروحية.



طبعا اني لما قلت هكي والله عندي يعني احياتي كشاف وكان يقولوا اشبح شن صار مستحيل انحي منه وهو صح كلامك يا الاء غر يا الاء في ناس مش مجربينه اصلا توا قبل ما نقولك شن اديرافيه كل اسبوع بقول انه يعني مقسم عندنا مثلا مفوضية طرابلس يعني كشاف طرابلس كلهم و مفوضية مقسمة لافواج الافواج مثلا علي مكان السكن في حي الاندلس وفي حي الجامعي وفي المدينة وفي فوج بو سليم وطبعا اني والاء مسجلين في حي الاندلس لان حسينا الاحسن وبه كل اسبوع شن اديروا اول حاجة الي يبي اخش للكشاف يحفظ العهد والشريعة لازم ومن غير فلوس الا كل اجتماع ربع اجني وهو يوم واحد في الاسبوع وكل ما يفوت سنة اعليك تدفع اشتراك سنوي الي هو 3دينار طبعا كل اجتماع في العاب حلوة يعني العاب كشاف وفيه أغاني متاع كشاف و مرات فيه دروس يعني دروس كشفية مثلا احني عندنا نمشوا لمخيمات معناها لازم نا خدوا درس الامسعفة ويكون الاجتماع مش ممل بكل كل ما نكملوا حاجة تجي حاجة تانية ننصح كل واحد يخش والاجتماع مده قصيرة ممكن ساعة ونص ولا ساعتين واي استفسار اطلبي ولا يهمك مع الكشاف ما في مستحلي.

والسلام عليكم ورحمة الله وبركاته

مشكووورين علي ردكم
الكشاف في ليبيا امقسم اول حاجة لمناطق
مفوضية طرابلس مفوضية مصراتة
و كل منطقة امقسمة لافواج
فوج المدينة و فوج حي الاندلس و فوج الشط ووو
و كل فوج امقسم
و هكذا
اني و ملوكة مع بعضنا في فوج حي الاندلس

شكرا يا ألو

تانكس الاء

عفوا
ان شاء الله استفدتوا

ان شاء الله
وبادن الله

ياريت اتزيدوا اتفكروا في الموضوع واللي مخشش للكشاف فاته نص عمره

وصح كلامك لولتي والكشااف علمني هللللللللللللللللبة حاجات مكنتش نعرفها

sa7 froosa
elkeeshaf 7eloo lama
etjarbeeh wa en sha alah
i3jkom kolkom
wa aslam 3alikom wa ra7matoo alaah

اني صح قعدت وقت قصيير لكن تعلمت منه هلبا حاجات ويهبل
فيه فرص تعرضي مواهبك المتعددة والله لا حاجة تخلييك متثقفة وتعلم الاعتمااد ع النفس
حتى اني كنت مع الاء وملوكة في فوج حي الاندليس

مشكوورة الوو

كلامكم كلهم صح وزي ما قالت رنوومة تعرضي مواهبك وتحصلي هلللللللللللللللللبة فرص تقدري اتشاركي في دورة المهارات والمخيمات والرحلات الخ الخ الخ