السلام عليكم ورحمة الله وبركاته :.
اشهر 21 كذبه عند الشباب <<< الله يستر
1 - حبيبتي تعرفي ؟ والله ما نحب اللي ايديروا فيها الشباب لا نكلم في البنات اصلا ما نحبهاش الحركات هذه .
( واضح هلبه بي الأمارة كل بنات الدنيا يعرفوك )
2 - تعرفي حبيبتي نحس روحي نعرفك من زمان
( اكيد ملخبط بينها وبين وحدة تعرفها من قبل لأنه حبيابك هلبه )
3 - حبيبتي نحس فيك ما تشبهيش لباقي البنات ومختلفة عليهم هلبه
( شنووووو فوق راسها ريشة ولا جاية من المريخ )
4 - حبيبتي تعرفي في هلبا حاجات نتشابهوا فيها كأننا شخص واحد
( ماهو خوها في اسلام اكيد بتكونوا زي بعض )
5 - ياريتني يا عمري عرفتك من زمان
( الله غالب كان عندك زحمة )
6 - حبيبتي انتي تأمري كل اللي تبيه انديرهولك
( ايه اكيد حيكون في احلام )
7 - حبيبتي اني نغار عليك ما نبيش يشوف وجهك حد غيري
( الله حلال ليك انت وحرام على غيرك قتلاتك الغيرة مسكيييييييييييييييييييين )
8 - نبي نجي نخطبك من اماليك لكن نكون نفسي قبل
( بلحق تكون ايه تي انت تصرف فلوسك على بنات وكروت وهيجة توا تكون هههههههههه )
9 - ياعمري نبي نشوفك توا توا لأني مستحاشك موت
( اشبح شنو في راسك موت )
10 - علاقتي بيك ما يعرف بها حتى واحد
( غير اصحابك يعرفوا بها لأنهم مش اى حد )
11 - تعرفي هوياتي الشعر والموسيقى والرسم
( بيان انك رومانسي هلبه )
12 - ديري في بالك اني لما نحب نحب من اعماق قلبي
( زعمة اى قلب فيهم ؟ )
13 - احتمال نمشي سويسرا الصيف الجاي
( ايه ايه وقوللها لما نوصل غادي نكلمك )
14 - لما نشوف رقمك يرن عندي قلبي يفز من مكانه
( اكييييييد خايف تكون كشفت العيبك )
15 - واحد قالي اعطني رقمها قتله تاخد قلبي قبل ما تاخد رقمها
( ايوا انت يا فالح اللي تخاف عليها )
16 - حبيبتي نبي صورتك نحتفظ بيها بش نحطها تحت راسي لما نرقد
( ايه يافالح بش يوم تمل منها تهددها بها )
17 - اسف حبيبتي امس ما اتصلتش بيك لاني مشغول
( ايه عندك الحق رجل اعمال وصاحب شريكات معذور )
18 - تعرفي عيوني البنات بيهبلوا عليا يبوا رقمي
( هههههههههههه الترتيب الصحيح لجملة انك انت بتهبل على البنات وتبى رقمهم )
19 - عيوني كنت نبى نجيك على الموعد بس صارت ضروف صعبة منعتني
( مسكين عنده موعد مع وخيته التانية اللي وعدها 10 مرات وفاتها )
20 - البارحة ما رقدتش طول وقت نفكر فيك واخدة عقلي
( بي الامارة داقها نوم من عشرة صبح لواحد الظهر )
21 - انتي احلى بنت شفتها في حياتي
( شكلها ملكة جمال الكون ) _
_________________
الثلاثاء 14 أبريل 2020, 6:53 am من طرف memo.mms
» الضغط ودكتور محشش
الإثنين 21 سبتمبر 2015, 7:06 pm من طرف alloxlola
» ماعاش في أمل خلاص ؟
الإثنين 21 سبتمبر 2015, 7:05 pm من طرف alloxlola
» the one
الجمعة 04 أبريل 2014, 1:31 am من طرف loveone
» asefa 3ala el3'eyab
الإثنين 10 مارس 2014, 10:54 pm من طرف رنيم
» هـــــام لجميع الأعضاء " مـوعـدْ للقــاء "
السبت 09 نوفمبر 2013, 9:42 am من طرف alloxlola
» سؤاااال محيرني ؟؟؟
الثلاثاء 07 مايو 2013, 11:15 pm من طرف Dante
» شعر من تأليفي على الإمتحانات
الجمعة 08 مارس 2013, 2:13 pm من طرف رنيم
» إحساس مؤلم!!!
الجمعة 15 فبراير 2013, 4:43 pm من طرف جوهرة القصر