حلقة نقاش اسبوعية

السلام عليكم و رحمة الله و بركاته
اخوتي اعضاء منتدانا الاعزاء

كيف حالكم
ان شاء الله اتكونوا كويسين

خطرة ببالي فكرة ,,,, حسيتها مفيدة و ممتعة في نفس الوقت,,, نتمنى انها تنال اعجابكم

بما ان صيف و عطلة و كلنا امكسدين
فممكن نستفيدوا من وقتنا في المنتدى
فبما ان احني كلنا اعمارنا متقاربة ,,, يعني اغلبنا نتعرضوا تقريبا لنفس الظروف و نفس الصعوبات و و و


فحبيت نقترح عليكم ان كل اسبوع نفتحوا موضوع نتناقشوا فيه
{ نتمنى الرد ايكون علي هيئة نقاش يعني الرد مش لازم ايكون شكرا و عفوا و بس .... حيكون احلى لو انك اترد كأنك تهدرز مع صاحبك اترد عليه اتحط وجهة نظرك علي اراء الاعضاء التانين و وجهة نظرك عالموضوع المطروح و اتحط السلبيات و الايجابيات في الموضوع }  


الفكرة
ان احني كل يوم سبت نفتحوا موضوع نتناقشوا فيه لمدة اسبوع كامل
و في نهاية الاسبوع الاعضاء يقترحوا الموضوع الجديد اللي خاطرهم يتناقشوا فيه {الموضوع يمكن ايكون ظاهرة غريبة جديدة ايجابية او سلبية او اي حاجة تخطر علي بالكم }

و الموضوع حيكون في القسم اهوا { نقاشات و حوارات الاعضاء}


نتمنى انشوف رايكم و كان عجبتكم الفكرة نبدوا من توا

بس اختاروا الموضوع

مشكورين علي وقتكم ,,,

السلام عليكم