من طرف alloxlola الأحد 06 يونيو 2010, 7:19 pm
السلام عليكم
ريمو مشكووورة عالموضوع الحلو
و مشكوورة لانك فتحتي حلقة نقاش في موضوع مهم زي هذا
قبل كل شي حبيت انبهكم علي حاجة خارج الموضوع
لاحظت ان اغلبكم تكتبوا انشاء الله
و هادي غلط لانها تعطي معنى تاني
و الصيغة الصحيحة هي ان شاء الله
تانيا
من الصعوبات اللي واجهتها في الشهادة الاعدادية
اني لما كنت في الامتحانات العادية في التقدم كنت انجاوب علي راحتي
و بكل هدوء وما فيش حد يضغط عليك او يضايقك
لكن في امتحانات الشهادة الاعدادية النهائية
جتني صدمة
يعني مثلا الغش والمراقبين ايهدرزوا وصوووووووت الكعب العالي
و كيف ياخدوا الاجابة منك بالسيف و ايلهوك عن الاجابة
و كيف ايهدرزوا في الموبايل عادي
و يستنوا لما يطلعلوا الشاطرين و ياخدوا ورقتهم ويعطوها للطلبة اللي مزال ما كملوش باش يطلعوا بكري { وبعدها الله اعلم ايردوها الورقة اللي خدوها ولا ينسوها }
و غيرها من الصعوبات
وننصح كل الاعضاء بالابتعاد عن الغش
لان في الاخير اللي كاتبهولك ربي هو اللي بتجاوبه
والغش مش حيزيد ولا حينقص من النسبة و الدرجة
اما طموحاتي
اول حاجة اني نتمنى اني و اعضاء المنتدى و صاحباتي كلهم ايجيبوا من الاوائل عالجماهيرية
تاني حاجة نبي نتخصص في الطب البشري وبعدها ان شاء الله بدل ما انخلي الليبين ايسافروا برا باش يتعالجوا
انخلوا الاجانب من المانيا و امريكا هم اللي يتمنوا ايجوا و يتعالجوا عندنا
وغيرها من الطموووحات
عمومامشكووورة انسجمت هلبا في الموضوع
سامحوني عالتطويل
السلام عليكم
عدل سابقا من قبل alloxlola في الأحد 06 يونيو 2010, 8:11 pm عدل 1 مرات
الثلاثاء 14 أبريل 2020, 6:53 am من طرف memo.mms
» الضغط ودكتور محشش
الإثنين 21 سبتمبر 2015, 7:06 pm من طرف alloxlola
» ماعاش في أمل خلاص ؟
الإثنين 21 سبتمبر 2015, 7:05 pm من طرف alloxlola
» the one
الجمعة 04 أبريل 2014, 1:31 am من طرف loveone
» asefa 3ala el3'eyab
الإثنين 10 مارس 2014, 10:54 pm من طرف رنيم
» هـــــام لجميع الأعضاء " مـوعـدْ للقــاء "
السبت 09 نوفمبر 2013, 9:42 am من طرف alloxlola
» سؤاااال محيرني ؟؟؟
الثلاثاء 07 مايو 2013, 11:15 pm من طرف Dante
» شعر من تأليفي على الإمتحانات
الجمعة 08 مارس 2013, 2:13 pm من طرف رنيم
» إحساس مؤلم!!!
الجمعة 15 فبراير 2013, 4:43 pm من طرف جوهرة القصر