قصة البوشوبو والخنفوسة هههههههه

قصة البوشوبو والخنفوسة

بشبو في حالة ميؤسة .. مكيود ويشرب في دخان
قاعد يرجى في خنفوسة .. احذا فتاشة عيت فلان
يخمم وافكاره في حوسة .. عاشقها بيها ولهان
شوي فكرة دز الناموسة .. برسالة وكلمة حنان
ويحكي عن حبه واحسوسة .. وما شايل قلبه المليان
ويحكي عالغية المغروزة .. فوسط الخاطر والوجدان
قاللها مانبي بوسة .. والغاية نبقوا عرسان
تبقيلي انت عروسة .. ونبقالك أنا سلطان
نديروا فرح وتبقى حوسة .. نعزم جميع الفيران
ونشريلك دبلة مغطوسة .. وناخذلك عقد وكردان
والمصرف دحي وكرموسة .. وسياقك قمل وسيبان
والدبور معاه السوسة .. يغنوا ويشتي الذبان
وشال البقة ملبوسة .. تحجل قدام الذغلان
نديروا ميز وعرض فروسة .. قراد يميز عالجران
ارتسمت بسمة عالخنفوسة .. وهي ماضحكت الها زمان
وقالت عدي ياناموسة .. شور البوشوبو الحيران
وقولي وين كانت مدسوسة .. اشواقك ياسيد الشبان
وين مخليهن محبوسة .. ولا توه درت لسان
نا نبي واحد بفلوسة .. مش كيفك واحد كحيان
مع جية عجلة كروسة .. تدردح فوق الخزان
عجلة برويطة مقصوصة .. يدف فيها عيل شيطان
وجهة شين وعين صوصة .. يشاكو منه الجيران
ما من كلب ومن قطوسة .. قاتلهن عند الوديان
جا بيدوس عالخنفوسة .. يالا البوشوبو الولها
تميت تعيط هالمحروسة .. وجهها تما عرم الوان
تطلب فالبوشوب يوصة .. ماهي عارفته جبان
طوف بوشوبو ادروسه .. غمتله تما غضبان
شوي فكر فكرة مدروسة .. ماخطرت عند اليابان
من جيبه طلع موس بوخوصة .. تما يقفز كي بتمان
عدى يجري فارط موسه .. لجل الغية راسه هان
بشجاعة ماهي ملومسة .. جيمس بوند وجاكي شان
زقب عدى دف الخنفوسة .. وطوح روحه عالقطران
هي نجيت وهو حصل دوسة .. كرعيه انقضن مالسيقان
وين ماحقاته الناموسة .. القصة انتشرت في الخزان
ههههههههه مسكين البوشوبو مات
في انتظار ردودكم يا حلوين