موضوع للنقاش....أرجو الدخول

السلام عليكم ورحمة الله وبركاته

أعزائي أعضاء المنتندى

اليوم حبيت أطرح عليكم موضوع للنقاش

وهوا

مادا يعني لكـــــ

الرد على موضوعك

يعني لما حد يرد على موضوع انت ناشره ولا انت كاتبة

شن يكون شعورك


إنشاء الله تتفاعلو معايا في الموضوع هدا


وللأمانة غير منقول

وعليكم السلام
طبعا انا اكيد اكيد شي طبيعي اي شخص لما يكتب موضوع او ينقله للمنتدى ويجي احد الاعضاء يرد علي الموضوع اكيد بيفرح لان جاب شي مفيد لنا احنا و شعوري بكون فرحان

مشكووووووووورة فروسة عالموضوع
طبعا لما يرد اي عضو علي مواضـــــــــــــــــــيعي نفرح
بالافادة اللي قدمتها للاعضاء .ونفرح اكثر باهتمامهم ومرورهم وردودهم
وانشاء الله نقدر نقدم كل النفع للمنتدي والاعضاء....تـــــــــــــــــانكس مرة ثانية فروسة

حتى اني نفرح ونهتم بكل كلمة
ونضايق هلبا لو ما رد على الموضوع حد
لانه يعطي شعور ايجابي
ويحفزني حتى نكتب موضوع اخر
شكراااا ليك على طرح هذا الموضوع فارسة الظلام

مشكوريننن على الرد على موضوعي

وبالنسبة ليا

انحس بأني منكونش ثقل على المنتدى

يعني أنحط في مواضيع سخيفة ومش حلوة

والله أني
منحبش انحط مواضيع في المنتدى

على خاطر أكثرية مواضيعي ميردوش عليهم


وفي الحالة هذه نكتفي بإنني انحط مساهمات بس

ومشكورين مرة تانية على مروركم

لا يا فروسة ما تقوليش هكي
حتي اني في مواضيع انحط فيها ما حد ايرد عليها ....وهذا لسبب واحد
انه المنتدي معاش فيه هلبا اعضاء ايخشوا ويردوا علي المواضيع
مش معناها انه احني ما تعجبناش مواضيعك ...ما اتفكريش بالطريقة هادي
والله وبدون مجاملات تعجب فيا مواضيعك ...بس لو ما رديتش معناها لاني ما قريتهاش
وانتي ما شاء الله عليك من الاعضاء النا شطين في المنتدي ...ومشكوووووورة هلبا علي مجهوداتك ...وياريت تستمري في وضع المواضيع ...وهذا رايي الخاص واكيد حيكون راي باقي الاعضاء

مشكووورة مون كوين

والله

رفعتيلي معنوياتي شوية

وحتى اني تعجب فيا مواضيعك هـــلبـــة

ونستنى في جديد مواضيعك

سلام