سام علي كرسي الاعتراف

rainbow كتب:منى بتحطى بعدك؟
قاعدة مافكرتش
وعمرك ضفتى ولد فى اميلك؟من اقاربك؟
ايه ضايفة اولاد من اقاربي
وين واصله فى القران؟
سورة فاطر
وشن فطرتى اليوم؟
بريوووش
ومن احسن وحده فى المنتدى؟
والله الاعضاء كلهم يعجبوني لاكن اللي نعرفهم شخصيا كلوفر وجبال غريان
عمرك كشختى على امك؟وعلاش؟
لالالا ماعمريش كشخت عليها
شن اضعف ماده حصلتيها فى الاختبرات الشهريه؟
ماعطوناش كل المواد لاكن نحس في روحي لبزت في العربي
ومزال بنكمل الاسئله وقدائف
عادي تفضلي امورة

memo كتب:ا السلام عليكم

حم احم ................ منى ع الكرسي sam
نبدأ بالاسئلة:

شن جوك وانت ع الكرسي؟
الحمدلله
اما صف تقري؟ هههههههههههه تقول منعرفكش
ههههه صف تامن
شن هو هدفك في الحياة؟
نولي مهندسة
الساعة كم ترقدي؟
12:00 ممكن ونص
شن نوع المعجون الأسنان ؟ وكم مرة تفرشي أسنانك في اليوم؟
كريست . قبل النوم وفي الصبح
كم وزنك؟
42.4kg
شن هيا الماكلة اللي تحبيها؟
نموت في حاجة اسمها رز
عمرك كشختى ع اختك اللي اكبر منك؟.؟ : :sm244:
ههه ايه
شن كنت اديري قبل ماتخشي للمنتدى؟
كنت نكلم في صاحبتي
ماهي هواياتك؟
السباحة -المطالعة
شن تبي اديري السنة هادى؟.

مافهمتش !
عمرك جيتي قدام المرايا وقعدتي تضحكي من غير سبب؟
لالالالا ممكن لما كنت بيبي
كم مرة كدبتى في حياتك؟
هه ماينعدوش



يلا سلام

سلامز

clover كتب:اهلااااااااااا

ساااااااااااام خلي نبدامعاك
اول شيء شن الجو ؟؟؟؟؟؟؟؟
تمــــام

شن ميولك ؟ للفن او للعلمي والادبي او شني؟
علمي ثم ادبي

من اللي تقولي ياريته يسجل في المنتدى؟
انتصار صاحبتي

شن سر اختيارك لأسم ,sam,؟؟
لأني نحب شخصية سام اللي في الجاسوسات

بما أن هوايتك المطالعة : علي شن تحبي تقري ؟
علي الغرائب العلمية والحاجات اللي ماتتصدقش

كم تهزيبة حصلتي من بداية السنة هادي لتوا ؟؟ وامتى ؟
اليوووووووم مرة وحدة في حصة العربي علي خاطر نلعب بالبيرو

اما احسن مادة عندك ؟ وديما تسكري فيها ؟ ومن هي مدرسة المادة هادي؟؟؟
الرياضيــــــــــــــــــــــــــــــــــــــــــــات استاذة عائشة الطبيب

اما تامن تقري ؟؟؟
خامس

من هما افراد شلتك اللي ديما تحكي عليهم ؟
انتصار . دان . رحاب . مروة . دعاء . مع انك مش حتعرفيهم


يلاا سلامات
تو نرجع نفرغ طاقتي فيك علي مرة تانية
اهه اتفضلي بري اشحني طاقتك خير ماتفسدي

بايات

باي

جوهرة القصر كتب:هلا حبوبة نوريتينا بوجودك
هلا بيك
اوكي بنبدا نسألك

عمرك عصيتي امر امك؟
لا ان شاء الله
اممم شن اسمك؟
جمانة
عمرك خشيتي للكشاف؟او شن هيا فكرتك عليه؟
لا مش خاشتله يعجبني صراحة !
كم ساعة تخصصي في اليوم للقراية؟
تقريباً ساعة
شن المواقع الي تخشيلهم من غير المنتدى؟
اممم فيس بوك ومنتديات
شن فكرتك عالفيس بوك؟؟
مانحسش فيه كويس مع اني نخشله
كم عدد افراد عيلتك؟بالترتيب سميهم
7 (اميمة - اني - محمد -محمود -هبة )
عندك موبايل؟وكان ماعندكش امتا بديري واحد؟وعلاش ماعندكش؟
لا ماعنديش لما ننجح في الشهادة ان شاء الله لأنه قانون العيلة
قداش مرة مدايرة حفلة عيد ميلاد؟
ماعديتش لاكن تقريباً 3 مرات
تخافي من الكلاب ولا القطط؟وعندكم حيوانات في حوشك
ايه من الكلاب لاكن القطط نحبهم لا ماعندناش

خلاص سادك لي توا ...راجعتلك بعدين
سلامز
بايات

moonqueen كتب:https://hsm3.yoo7.com/users/1612/28/71/21/smiles/582316.gif" alt=""/> هلا سام منورة الكرسي سوري عالتاخير

منورة بوجودك حبوبة

من اكثر عضو تحبيه في المنتدي؟
مفيش حد معين لاكن من خارج المنتدى اكتر شيء كلوفر وجبال غريان

شن تبي اتخشي في الثانوي؟
هندسة ان شاء الله

هل عمرك انضربتي من ابله زهرة؟
لا

من احسن ابلة قاراتك في التقدم؟
اممم استادة عايشة الطبيب واستادة امنة الرفاعي

هل تعرفي تطيبي ؟ولا ما تحبيش المطبخ اصلا؟
لا مانعرفش
شن هي اكثر حاجة تحرقلك دمك؟

لما تغلط فيا صاحبني
كم عدد افراد عائلتك؟
7

شن هي الصفة اللي تتمنيها في صحباتك؟
الصدق

شن لون دارك؟
بيج

شن هو ابرد موقف مر بيك؟
لما نوضتني الاستادة بنجاوب مشي جتني الشهيقة

امتي بكيتي اخر مرة؟
مانتدكرش


شن تحبي اتديري في اوقات فراغك؟
نقرا كتابات

توة خلاص انشاء الله ما طولتش عليك
باي

Remo كتب:ساااااااام استنيني
تو تجيك اسئلتي
تفضلي
غر شاغلتي بالقراية
خلاص امالا اهي بقرايتك

زعمة .....شن نسالك؟؟؟؟؟؟؟؟!!!!!!!!!

اللي تحبيه

alloxlola كتب:شن ايكون المنتدى بالنسبة ليك ؟؟
اسرتي التانية

فكرتي من بتحطي بعدك ولا مزال ..... مني ؟؟
لا قاعدة نفكر

ممم شن شعورك و انتِ علي كرسي الاعتراف ؟
قاعدة نترقب في أسألتكم

من اكثر عضو تبيه يسالك ؟
كل الأعضاء

من اكثر عضو خايفة من اسئلته ؟
كلوفر القصقاصة هه

لو اعطوك الادارة لمدة يوم


1 _ اول حاجة اتغيريها
لا عاجبتني الإدارة
2_عضو تطرديه
لايوجد
3 _ عضو ترقيه
الأعضاء الناشطين واللي يستاهلو الترقية
4_ قانون اضيفيه
مفيش


من هم الابلات اللي قروك في السابع و التامن ؟؟
احم : ابلة (عايشة الطبيب -امنة الرفاعي-ثريا عميش -نبيهة-فتحية -نوورة -سهام القنبور) هادو ابلات السابع
ابلات التامن (عايشة الطبيب- كميلة زروق -ثريا عميش - مس اسماء -حوى -عتيقة ولا معتوقة-بدرية)


في الابتدائي قريتي صبح ولا عشية ؟؟
نصه عشية ونصه صبح


مممم

سااادك
تو انوتيلك قدائف و انولي

هي سلااااااااااااامز

باااي
اه وسوري علي التاخير

Remo كتب:تي قولي من بتحطي بعدك
هذا كله تفكير
باهي تو نقول بنحط بعدي علي كرسي الاعتراف:














انتي يعني ريمو هه
مانيش حاطة اسئلة صعبة لانك قاعدة صغيرونة
هههههه باهي ان شاء الله مش صعبة
يلا نبدو


1-تحبي المطالعة والا لا
ايه نحبها وهي واحدة من هواياتي اللي نمارس فيها باستمرار
اذا كنتي تحبي
شن اخر كتب قريتيه
في سبيل التاج للشاعر (مصطفى المنفلوطي)
واما افضل كتاب عجبك ؟
غرائب الفنون وعجائب اللطائف

لو قالولك تقعدي ساعة مع شخص معروف مات او لايزال حي

من حتختاري
اممم ممكن جدي الله يرحمه
وعلاش
لانه عنده مواقف وقصص مرت في حياته نحب نسمعها منه شخصياُولاني مش شايفاته؟
وشن حتساليه
بنسأله علي هلبا حاجات
؟؟؟؟؟؟؟
2-لو كنت تكسبي مليون دولار سنويا
شن حديري بيهم ؟؟؟؟؟؟؟
امممممممم من دام هي قاعدة مصارتش فاكيد مش مفكرة لاكن طبيعي بنصرفهم في قرايتي ومرات نتصدق بيهم عالناس المحتاجة او حاجة تانية ؟

3-تغشي في الامتحانات
لالالالالالالالالالا مانغشش ؟
وعلاش
منحبش نعطي مجهودي لغيري وبعدين لان الرسول قال :من غشنا فليس منا؟
زشن رايك في الطالب الغشاش
طالب حيعاقب يوم القيامة وربي يهديه؟
وشن تقوليله
ربي يهديه ؟
في غش في مدرستك والا لا ؟
ايه في غش لاكن بنسبة بسيطة
قولي عادي كل مدرسة فيها الحاجة هادي


4-شن هو احلى موضوع قريتيه في المنتدى
مفيش موضوع محدد
5-لو ان في يوم فصلك كان مداير دوشة وخشت ابلة وقالت الفصل كله يوقف وبدت تضرب

فيهم .انتي بتمديلها يدك (مدارة دوشا والا مش دايرة نفس الشئ)
اي بنمدلها الله غالب وخلاص
وعلاش ؟؟؟؟؟؟؟
لاني كان بنتكلم بتقول : المظلوم جرة الظالم



6-شن رايك في الاعضاء هادو

clover
مش عادية
alloxlola
مديرة كويسة وماشاءالله عليها
rainbow
بنوتة امورة
memo
احم احم كعضوة ماشاء الله عليها ناشطة نوعاً ما !!

moonqueen
جوها حلووو ماشي مع جوي
الشاطر
مش عادي هو ومواضيعه
ميسرة
عضو نشيط
دعاء
بنوتة مثقفة لاكن ماتخشش هلبا
سام
احم احم تهبل
سوسولولا
منعرفهاش لاكن من مواضيعها تبان ناشطة
جبال غريان
وااااااااو جوها جو مقالب زي جوي هه
واخيرااا
ريمو
ذكية وماشاء الله عليك لاكن معليشي نحس فيك نوعاً ما مغرورة شوية

يلا ياسر خلاص
اي هداغر اسئلة مش صعبة ريمو

سلااااااااااااام
سلامز

rainbow كتب:هلا هلا مره تانيه
هلا بيك
شج؟
تمام : :sm244
من سماك جمانا؟
بابي
شن معناها اسمك؟
نوع من انواع اللؤلؤ
عمرك قلتى لامك اف؟
اي ممكن لاكن مش قصداً
ومن اصعب استاذه جاتك صف تامن؟
مس اسماء
وعمرك درتى مكياج؟
اي ملبزة بيه
ومزال الاسئله لانم قاعده على الكرسى؟
تفضلي
وقولى منى بتحطى بعدك قرار نهائى؟
ريمو

amona كتب:سلملم سااااااااااااااااامو
أولا شن جوك وشن جو المدرسة وجو الدراسة معاك
تماااااااااام كله تمام
مش حنطول عليك بالأسئلة
1.شن طموحك في الحياة
نولي مهندسة وحياشكم اعليا هه
2.شن المثل إللي تقتدي بيه لنفسك في الحياة
الوقت كالسيف ان لم تقطعه قطعك
3.شن أكثر أمنية تتمناها من غير الجنة ورضا الوالدين
مستقبل زاهر

4.شن أول حاجة ديما تخطر علي بالك ديما أول ماتنوضي
نفول صباح الخير

جاوبي عليهم وليا عودة بإذن الله
تشاووو

سلاميتـــــــــــــــــــــــــــــــــــــــــــــــــــــــــــــــــــو

باتو7 كتب:

السـّـلام عليكمْ وَ رحمة اللـهْ وَبركاتهْ
وعليكم السلام ورحمة الله وبركاته

بـعدْ التحيــهْ



س - شنْ إسمـكْ الكـريمْ ; )) ؟ ووِيـن تقري وَ أمـا سنهْ ؟ وعـلاشْ تقري .؟
اسمي جمانة ونقرا في التقدم (وفي غيرها ) نقرا مش ننجح

س - شنْ إســمْ لمــيسْ ابو شعرْ الحُقــاني .. ؟
شنو منو؟؟

س - اعطــي تــلاثهْ نصــائح لكـلْ ليــبي .. ؟

اول شيء يبتعدو علي حاجة اسمها غش وتاني شيء يستغلو وقتهم اللي يضيعو فيه في المقاهي وفي الحاجات اللي تضيع لهم وقتهم وتالت شيء يفكو روحهم من التدخين وكل شيء يهدرلهم صحتهم ....... الخ
س - ليـــبيـا كدـاش فيــها نسـمه يعنـي عدد السـكان .. ؟

تقريبا 6 مليون والله قاعدة ماعديتهمش
س - بــاهي ليــبيانـا قدــاشْ فيــها مشتــرك ..؟
مانخدمش فيها هه والله مانعرف

س - بـــاهي كمــْ نســبة شفرــات ليــبيانا في كلْ حوـشْ .. ؟


بــاهي كدــاشْ عندكمْ شــفره في حوشــكم .. ؟
5 شفرات تقريبا

س - بــاهي في حوشــنا حنيِ ..؟

مش عارفة
س - إسمــكْ شن معنــاهْ ؟؟ وعـلاشْ خترتيــهْ ؟؟
قصدك سام
مانعرفش معناه لاكن اني عاجباتني شخصية سام متاع الجاسوسات


-


-


وشــكرّا

عفوااا