نكتة عجججججو

واحد تخانق هو وامه جابلها سيارة معبية حليب وقالها هدا الى بيني وبينك
واحد بيمشي للزاوية رفع معاه منقلة
واحد بقص الطريق رفع معاه مقص
واحد بيفتح صفحة جديدة لقاها مشركة
في حشاش شاد دجاجة يضرب فيها يقوللها كل يوم دحي كل يوم دحي .. مافيش جبنة .
في زوز حشاشين ركبو هلوكوبتر حسوا بالصقع طفوا المروحة .. هههههههفي زوز حشاشين ركبو هلوكوبتر حسوا بالصقع طفوا المروحة .. ههههههه

في مرة واحد ترهوني مشي للكويت لقي اسماؤهم بو فهد .. بو نايف .. بو سعد .. مشي سمى روحه " بوكيمون "

في زوز حشاشين واحد يقول للتاني : حلمت ان اني فنان تشكيلي وانت فنان نشكيلك .
خنفوسة شادة زوز نملات في تركينة .... مين اللي قال " عبيدة ".

في مرة واحد مخروم كل يوم يخش الجامع يقوللهم هيا نصلي بيكم ... وهما يلزوا فيه ... كل يوم كل يوم ... لحد مافي يوم ماجاش الامام ... مشي شد فيهم .. وافقوا ... المخروم كبر وصلى وسلم ياااااااااسلام عليه ... مشي قاللوله ااك تعرف تصلي .. قالهم شن تحسابوا ... هدا وانا ومش متوضي هكي امالا كان نتوضا كيف ؟؟ ........كخخخخخخخخخ

واحد ترهوني كيف متعلم الانجليزية ... راكب طيارة يكلم في المضيفة الاجنبية :
{this talk dont walk with me ... i student a water from one hour } هدا الكلام مايمشيش معاي انا طالب مية من ساعة . هههههههههه
في زوز حشاشين مقعمزين عالبحر ... واحد سأل التاني : من تبي يكون معاك في اللحظة هادي... رد عليه .... حبيبتي " تريا " ... قاله ... حتى انا .
خبر عاجل :
تعلن الفنانة هيفا وهبي عن تصوير فوازير رمضان ... عملا بالقول من أفطر مؤمنا له متل أجره .
أسرائيل تسأل الفنانة فيروز عن مكان جسر اللوزية لتقصفه .
كخخخخخخخ
ان شاء الله تعجبكم النكت هادي
جدييييييييييدة كلها راه هههههههههههه . سلامات
قالك مرة واح ليبي مشي لمن سيربح المليون قاله جورج قرداحي منو جاي معاك

قاله جايين معاي جماعه يبو مني فلوس
واحد أخلاقه عالية ركبوله بسلوم
وحد وسع باله درسوله فيه طانطة

النكت مش لييك
مرة فيه وحدة تحلم انها لابسة فيلو ( فستان زفاف) وتحت كراعها (رجلها للغرابة) متؤدب (حشاكم) وفوق راسها طير
المراة تبي تعرف معنى الحلمة شوية مشت لواحد يفسرلها الحلمة .. قاللها :
تطيري .. تنمتؤدبي .. مانك متزووووجة كخخخخخ
مرة في واحد عنده حالة نسيان في طبيعيييييييه
مشى للدكتور عشن يعالج روحي
قال للدكتور : يا دكتور انا عندي مشكلة ..انا عندي حالة نسيان.. انا ننسى في كل حاااجة وبسرعه
الدكتور : من امتى جايتك الحالة هذه؟؟
المريض: اين حالة؟؟
وحدة عورة ...قالت لراجلها : دلعني
قاللها:ديريلي افطور اندلعك......
جابتله الفطور..قاللها:[جت العورة..دارت دورة....جابت للمنكوب افطورة]
اوصاف الهرواك....
مشاويره من الصبح..الى الليل على الابيض...
سوريته ديما برا من السروال
كندرته عفاسى
مايقضيش مصلحة لروحه
يعرف كل المسئولين في البلاد ومافيش حد يعرفه...؟؟
واحد ترهوني جاته الشهيقة. .قالتله امه:ركب الميزة..باش تعرف مني ايقرم فيك...؟
احد ترهوني ماتت مرته...في عزاها سئله ترهوني ثاني...هي كيف ماتت...؟؟ قاله نطحها ثور.....سئله الثاني..هالتريس كلهم جآين ايعزوا فيك فيها....؟؟
قاله:لا..لا...جاين بيشروالثور.....
انشأالله...تعجبكم...

تاجر مخدرات ماشي يخطب سالوا م عملك اجاب مهندس تكييف
واحد يبي يتزوج قال لامه نبيها بيضة وطويلة وتخدم جبتله ثلاجة
مره فى واحد نذل فتح مصنع مشروب غازى كتب على كل زجاجه (رج العلبه جيدا قبل الفتح)
واحد سحنون امداير فالطة تلاحق فيه الشرطة بمتؤدب زينة
واحد مستعجل تزوج وحدة مستعجلة جابوا ولد مش فاضيلهم
ترهونى لقي 10دينار طايحه خذاها وحط بدلها خمستين..!
فـيــه عـجـوز كـحــت ... طـاح لـسـانـهـا
سكران قالوله شنو رايك في الزواج المبكر ؟ قاللهم الساعة كم بالزبط
ة فى واحد سكران فى جنازة مرته يضحك سؤلوه خيرك تضحك مرتك ماتت قاللهم اول مرة نعرف وين ماشية
واحد تعارك مع مراتة ركب فوق الدولاب ليش علشان يقوللها يا واطية
حد بخيل خش في رجله مسمار وعلق مشي للدكتور باش ينحيه قاله الدكتور انحيهولك بـ40 دينار قاله البخيل عوجه وخليه [/center]
مرة واحد قال لامه نحبك..... قاتله خليها صداقة
هههههههههههههههههههههه
قالك واحد ماشي زردة هوا و مراتـه ,, و باقي الصحاب و القروب ,,, المهم هوا امعكس جاه واحد قاله ,,خزيه انت امعكس اهني ,, ومراتــك امقعمزة مع واحد ثاني في الغابـة ,,, المهم امشي الراجل متكنطي ,, بأشوف مراتـه ,, وهوا راجــع ,, ابدي اكلم في روحـه ,,لا حول الله سبحان الله معاد فيه حد ايـقول الحق بكل ,, القاه صاحبـه قاله خيرك ,, شن صار ,, قال يا راجل الشعب هدا معاش ايقول الحق بكل ,, ايقولي مراتك مع راجل ثاني في الغابة ,, و هما كلهم شجــرتيـــن
واحد عنده دجاج خاطم بيه من الرجبان لي طرابلس و هوا ماشي وقفوه
البوابة الاولى ,,, شنو عندك ,, قاللهم عندي دجاج ,, شنو اتوكل فيه
قاللهم شعير ,, قالوله يا طيب اتوكل في الدجاج الشعير و الناس مش لاقية
تاكل ,, اعطوه طريحة اقريب قتلوه,, جي من البوابة الثانية
شنو عندك ,, عندي دجاج ,, شنو اتوكل فيهم .. قاللهم كناسة ,, قالوله
اتوكل في الدجاج الكناسة بعدين اتبيع فيه للناس ,, اعطوه طريحة ,,,
جي للبوابة الثالثة , قالولـه شنو عندك ,,, قال دجاج , قالوله شنو
اتوكل فيه ,, قاللهم من الاخير نعطي فيه في مصرو ف و يمشي يشري بروحه

مرة فى واحد القى مصباح سحرى قامه ومسح عليه .. طلعله المارد قاله شبيكــ لبيكــ ؟
قاله نبيكــ اتطلع كل المصرين اللى فى ليبيا ......... قاله ليه ياعم احنا عملنالكــ ايه بس؟
فى ا ثنان حول وا حد يقول الى للثانى انت احول مشين فى الطريق لقو وا حد قلو له يا عمى منو فينا احول قللهم انت الاربعه حول
فيه واحد شري ثلاثة تلفزيونات حطهم فوق بعض . علاش .... حتى يقدر يشوف المديعة بكامل طوله
كان فيه واحد يبي يشري عقل مشى للمحل وسأل عن الدماغ الطرابلسي قلو له ب 1000ديناروالمصراتي ب 950 دينار والترهوني ب 5000 مشى سال علاش اغلى دماغ هو دماغ الترهوني مشى قالو له هدا دماغ اصفار ما خدمش بكل ههههههههه
قالك مرة واحد ماشي في الصحرة لقي حكت طماطم حكها طلعله منها مارد قاله : ((شبيك لبيك خدامك بين ايديك اطلب و اتمنى ))
قاله نبي فلوس و قصر نسكن فيه
قاله المارد اني عايش في حكت طماطم و اتقولي فلوس و قصر

مرة في تلات ليبي و مصري و سوداني امسافرين دور قالولهم الطيار بتطيح و لازم انفضوا منها شوية حمولة و كان عندكم حاجة كاتر منها في بلادكم لوحوها
مشي السوداني لوح الكاكاوية الي عنده كلها
و المصري لوح الفول الي عنده كله
ناض الليبي لوحهم الزوز قال عندنا منهم هلب في ليبيا

مرة في واحد بخيل جاه ولده قاله يا بوي نبي 5 جنيه
قاله بوه : اه شن تبي 4 جنيه !
و شن بتدير بالتلات جنيه ؟
بتاخد شكلاطة متع زوز جنيه .....
هاك خود اجنيه


قالك بنت تغرق فى البحر جاها واحد قال لها هاتى ايديك قالت له امشى خودها من بوي

سلالالالالالالام
قللك واحد حمار يبى يتزوج وحدة حمارة ... الحمار قال : امتا نتزوجوا يا طيبة ... الطيبة قالتلا : لين تحسن ملافظك يا اسف عم حصل




في طالب روح لي بوه ناتشه الاستاد من ودنه امشي جي ولئ امر الطالب ,,
قال للاستاد خيره ولدي,,, قاله يتسهوك ,, انقوله ارسم منضر طبيعي ايقولي
تبيه غروب و الا شروق في شجر و الا ازهار كبار و الا صغار,, امشي الراجل
قاله لالا يا استاد ولدي شاطر امورقله،،، الاستاد قال لي الراجل تعال اوقف
بحدا الباب و خنس لي ولدك,, امشي الاستاد نوض الولد و بوه لابد بحدا
الباب ,, قاله ارسم منضر طبيعي ,, قاله الولد كيف يا استاد غروب و الا
شروق سيف و الا شتاء ربيع و الا خريف ,, امشي بوه اتكنطي خش للاستاد قاله
و النبي تنتــشه و الا ننــتشه اني


هههههههههههههههههههههههههه

هوهوهوهوههوهوهوهو
اخخي باردات

حرام عليك يا هيثم


النكت مش عاديلت

شكرا يا احمد

لا عندك حق يا دعاء

باردات زي وجهك

على ميني؟

و بعدين ماهو انت كاتبهم

ماهو هو قالي باردات زي وجهه

وخيرك تكشخ يا حبوب
اني معجبونيش اني حر

توا سمعتني كشخت يا حبوب؟؟

أني ما قلت شي للحبوب

السلام عليكم شكرا علي
النكت الحلوة

عفوا

انراجوا في نكت تانيات