دعوة للتسامح

السلام عليكم ورحمة الله و بركاته ...

أختي بارك الله فيك على هذه المساهمة الطيبة منك التي هدفها تصفيه القلوب بين الأعضاء

ما عندي ما نقول الا ربي ما يحرمنا منك يا مديرتنا .

بالنسبة النا أحنى كأعضاء أكيد كلنا أخوة و كلنا المفروض نكون عائلة واحدة و نساهم في نمو شجرة العائلة

و أن نجني ثمارها لا أن نساعد في تدمر هذه الشجرة .

المشـــــــــــاكل هذه الكلمة تعني الكثير و الكثير سوا كانت في المنتدى أو في على حياتنا الطبيعية . ولـــكن

أن نمزج بين مشاكلنا التي على الطبيعة بالأنترنت أو على المنتدى فهذا خطئ كبير . ما الهدف من المنتدى

أكيد ليس جلب المشكل بل للتعارف و تبادل الأراء و أظهار المواهب في الشعر و غيره و أن نثقف من أنفسنا

في الكثير من الأمور و أن ندردش و نغير أجوائنا و الكثير من الأمور . و أهم نقطة في كل عضو أن يجعل قلبه

مرح و أن يزيل أي حقد او كراهية لأي عضو و أن أخطاء أحد الأعضاء في حق عضو حتى ولو كان عمداً

فا على العضو الأخر أن لا يهتم لذالك لانه أكبر منه بقلبه و بتسامحه .

يجب أن تصفي الأمور هنا في المنتدى لكي نعيش أجواء صافية من الحقد و الكراهية و العدوانية لانه لا توجد أي صفة من

هذه الصفات في أفراد العائلة ...

و يكمن للتسامح أن يكون على الرسائل الخاصة أو على المسنجر أذا كان فيه أحراج للأعضاء فأني أتمنى أن تصفى القلوب

والله أعلم أني كم أحسست بأنني في بيتي الثاني ، فأتمنى من ان يحس كل عضو بأحساسي لهذا المنتدى

دمتم بـــــسلام

تعرفى الاء والله موضوعك مهم
قصدى بالنسبة ليا انى والله نعتبر فيكم عيلتى التانية وعاجبنى الجو هنى
مع انى كنت ناوية واحدة فى المنتدى بعركة والله كله من الشيطان اعود بالله منه
بس تعرفو والله كلكم نحبكم زى خواتى وقريب اكتر ويا ريت ما فى حد زعلان منى والى زعلان يخش يقول
وانى تو نرضيه من عيونى

بس انى لما نرد على المواضيع ولا اى حاجة نتكلم بصراحة وبشخصيتى العادية الى ديما بيها حتى فى الحوش

وشكرا ليك يامديرتنا على اهتمامك
سورى قصدى ماما

تقبلى مروى اختى الغالية ونشكرك مرة تانية على موضوعك منورة

بارك الله فيك يا الاء

كل يوم تتبتي انك قادرة تتحملي مسؤلية منتدي
ربي يخليك ويحفظك

وان شاء الله يارب ما حد يزعل من حد

اني زعلانة منك
mksda

اني تبو الحق زعلت من اتنين بس في المنتدى باقي الاعضاء كلهم ايهبلوا


اول وحدة بنت ليبية
اني في رايي ان هي اللي غالطة
لانها قالتلي كلمة مش حلوة بكل بكل
و اعتقد ان اي عضو لو كان في مكاني كان حيزعل منها
و كان اني غلطت في حقها اعتذر



تاني وحدة سوسولولا
علي صار في موضوع نكره تامر حسني
لاني اني لما رديت ماكانش قصدي انضايقها
و الموضوع هو للنقاش
ما كانش لازم منه الزعل
و بعدين هي قاعدة اترد اعليا في ردود مش حلوة

و كان اغلطت في حقها اعتذر
بس في رايي انها هي الغالطة


و حبيت نتاسف لاي عضو مضايق مني
و كل واحد مضايق مني تمنى منه ايخش و ايقول السبب
و ان شاء الله نقعدوا ديما خوات
و يقعد المنتدى عيلة وحدة

اني مش زعلانة من حد ومستحيل نزعل من حد

وكان علقت ولا حاجة اني نحب نبصر مع الاعضاء اللي جوهم مليح

وكانا اي حد زعلان مني يقولي

شكرا يا الاء الرائعة اللي ما فيش زيك ومستحيل نلقو زيك بكل ومفروض نحمدو ربي على مديرة زي هادي
ونشكر الساحر الشاعر لانه انسان مثقف ومتؤدب
وحني محظوظين بوجوده معنا في المنتدى

ريمو انت ما في حد يزعل منك بكل

شكرا حبيبتي ملوكة
محلاهم اعضاء المنتدى لما يبدو صحاب وخوات متسامحين
بالله عليكم ما عاش تزعلوا من حد وليش ندوروا في المشاكل ناقصة هي الدنيا
خلاص تسامحو وخليكم صحاب واحبابا بش يرضى عليكم ربي
على خاطري

معليشى ملوكة والله انا غالطة بس مافهمتش الموضوع اصلا
ويلا ا خلاص اسفة

والله موضوعك يا الاء
وانشاء الله مافى حد مزال يزعل من التانى بكل
وانشاء الله كلامك يكون قاعدة للاعضاء


وكل واحد يبينى نتاسفله يكلمنى ويفهمنى
كل حد زعلان يكلمنى ونسامحه
كل حد ماعجباش كلامى يكلمنى ويقولى
كل واحد ماعجباتاش حاجة فيا يكلمنى ويكون صريح معاى ارجوكم انا نحب النوعية هادى
الصراحة راحة
ومانبيش نطلع على الموضوع
يلا سلامات

أسفة حتي أني عادي سوسو ما أضنش أن في حد أضايق منك

بس انقوللكم حاجة
اني زعلانة هلبااااااااا
من الاستاذة دعاء
مش لانه دارتلي حاجة لالا حاشاها

لكن لانها ما دارت شي
بس نبي نعرف خيرها ما عاش تعدل على صحباتها في المنتدى

ومن الافضل ان يكون عندها سبب يمنعها لاني زعلانة ومتعفلقة

علاش باهي هي ؟؟؟؟؟؟؟؟؟؟؟؟؟؟؟؟

والله استاحشتها

تعرفي ريمو و الله حتى اني

ليا سنة كاملة معاش شفتها


و نااااسيتنا

و اني استاحشتها هللللللللللبا هلللللللللبا

معاش حصلتها


بس متأكدة 100% ان حيكون عندها عذر مقنع


لكن قلقتني البنت هادي

يلا ان شاء الله خير

شكرا ملوتى والله حق
وبعدين دعاء ليها فترة علينا
ومستاحشينها

مشكووورين كلكم اتهبلوا ما شاء الله عليكم

نتمنى الاعضاء يقعدوا ديما صحاب و اخوة


مشكووورين