شكرا ع المقدمة الرائعة التي تتفتح لسماعها الآذان و يسر وينشرح لها الصدر ,, وتخليك متشوق لمعرفة العضو اللي علي الكرسي

هههههه لكن ماتقولوش خيركم عليا ف الكراسي هه
هدا كرسيا المرة اللي فاتت




شكرا يا اختي تايلور

اهلا نورت الموضووع

ههههههههههههههه تي من زيك
احلي كراسي يجوك انت



شوية وانولي
تو جايينك الاسئلة

منور الكرسي

اكيد اي كرسي او موضوع اني فيه حانّوّره هههه

ههههههههه شور

لالا ما تصدقش روحك

لالا دانتي ينور في كللللل شي و مرات يهرب عليه الضيء يبدا يستعمل في اللامبات

اهما اللي يبوا يمدحوا ويجاملوا هههه

هيااا وين الاسئلة غير جيبوها خفيفة ومش متعبة نفسيا او عقليا او محرجة او تبي جهد ف الاجابة ههه

السلام عليكم

اهلا بيك علي الكرسي

نبدأ بالاسئلة


شن ناوي اتكون في المستقبل ؟؟


هل ترى انه في المستقبل ستتبدل الاحوال فنرى ان الناس يوفدون من المانيا وامريكا وتونس للعلاج في ليبيا ؟؟ وما السبيل الى ذلك ؟؟ وهل ترى كمواطن ليبي انه لك دور في هذا ؟؟ وماهو دورك ؟؟


لو اعطوك فرصة انك تقابل حبيبنا رسول الله علي الصلاة والسلام :
أ _ شن هم الحاجات الغلط اللي انت قاعد ادير فيهم بس ما تبيش الرسول ايشوفك بيهم ؟

ب_شن هي اول عبارة ممكن اتقولها في لحظتها ؟؟

ج _ بعد ما اتكون قد اقلعت عن الاخطاء اللي كنت ادير فيها وخلاص قابلت الرسول هل حترجع تقترف الاخطاء هادي من جديد ؟

3_ حنرجع بيك تلاتة سنين فاتوا



ما تعليقك علي كل من

المعلمة الفاضلة استاذة زهرة بيزان ؟

استاذة هدى الغضبان؟

استاذة كريمة المحجوب؟

استاذة جميلة الصرماني ؟

ههه استاذة الدين استاذة عائشة علي ما اعتقد وشن رايك في حصتها ؟

استاذة سكينة ؟

استاذة غادة امتع الرسم ؟

استاذة فتحية انجليزي؟

استاذة نزهات ؟

واخيرا استاذ الرياضة استاذ عامر ؟

هههه تقريبا سميتهم كلهم

اعتذر عن الاطالة

لي عودة باذن الله

السلام عليكم

مرحبتين بيك دانتي نورت الكرسي و انشاء الله يعجبك

البطاقة الشخصية

ما هو الاسم ؟

كم العمر ؟

ما هو العمل ؟

ما هي الهوايات ؟

ما هي الامنيات ؟

هل لديك اهداف في حياتك ؟ هل فكرت في اهدافك ؟ هل عملت من اجل تحقيقها ؟

ما هي احلامك ؟

مقول او حكمة تتخذها شعاراً للك في الحياة ؟

هل تقراء الكتب . ما هي كتبك المفضلة ؟

3 صفات تكرهها في نفسك ؟

ما شيء الذي يدور في ذهنك وانت تجيب على الاسئلة ؟

من سوف تختار ان يجلس بعدك على كرسي الاعتراف ؟


*كلمة عتاب لمن تهديها؟

من يمثل القدوة لك في الحياة؟



ماهو هدفك ؟

- ماهي رسالتك في هذه الحياة ولمن توجهها ؟

- ماهي التجربه التي تتمنى تكرارها ؟

- من هو توأم روحك ؟

-من هو شخص تحتاج لقربه الآن منك ؟؟

-من هو أعظم شيء فقدته ؟

-من هو وأعظم جرح دفنته ؟

-من هو و اخيراً صف نفسك بكلمات بسيطة كما يراك الناس ؟؟؟؟

ههههههههههههههههه حي ع الاسئلة حي
تشنو هدا ههههههههههه

هى دانتى بش نسالك حتى انى ههههههه

السلام عليكم
وعليكِ السلام ورحمة الله وبركاته

اهلا بيك علي الكرسي
اهلا

نبدأ بالاسئلة
اوك ابدي(مع انك بديتي فيهم الاسئلة من بكري هه)

شن ناوي اتكون في المستقبل ؟؟
ممممممم,, ناوي انكون شخص حكيم لدرجة يعلم الناس الحكمة, و عقله زين ورايه راجح وصائب,, ويرجعوله باش ياخدوا منه الحكمة والموعظة الحسنة وماالتوفيق الا من عند الله

هل ترى انه في المستقبل ستتبدل الاحوال فنرى ان الناس يوفدون من المانيا وامريكا وتونس للعلاج في ليبيا ؟؟ وما السبيل الى ذلك ؟؟ وهل ترى كمواطن ليبي انه لك دور في هذا ؟؟ وماهو دورك ؟؟
ع الحال هدا اللي فيه ليبيا اجابتي لا ,, ولو كانت ايه حيكون السبيل تمسك الدكاترة بالاسلام( يعني حيخدموا باتقان لحديث الرسول عليه الصلاة والسلام" ان الله يحب اذا عمل احدكم عملا ان يتقنه" ,,,,, مرات يكون ليا دور ,,,,,, بما اني مش دكتور واني قلت ان السبيل حيكونوا بالتمسك بالدين , فاحتمال يكون دوري في النصح والارشاد, والله الموفق

لو اعطوك فرصة انك تقابل حبيبنا رسول الله علي الصلاة والسلام :
أ _ شن هم الحاجات الغلط اللي انت قاعد ادير فيهم بس ما تبيش الرسول ايشوفك بيهم ؟
اللي اندير فيه غلط حَنِعلِم الرسول بيه ,, باش انكف عنه ونبتعد عن طريقه

ب_شن هي اول عبارة ممكن اتقولها في لحظتها ؟؟
لا اعرف’’ في احتمال اني مش حننطق بشي خاطي السلام

ج _ بعد ما اتكون قد اقلعت عن الاخطاء اللي كنت ادير فيها وخلاص قابلت الرسول هل حترجع تقترف الاخطاء هادي من جديد ؟
كل بني ءادم خطاء وخير الخطائين التوابون,, ومالتوفيق الا من عند الله,

3_ حنرجع بيك تلاتة سنين فاتوا

EbTESAMA

مالا عندك آلة زمن يا مديرة ( اهني في السمايل اللي يبتسم لكن مايبيش يندار ابصر خيره*)

ما تعليقك علي كل من

المعلمة الفاضلة استاذة زهرة بيزان ؟
مديرة حاملة جهد فوق اللزوم لاجل المدرسة (اذا زاد عن حده انقلب ضده)
متقفة ومتعلمة وان شاء الله ربي يعطيها الصحة ,, غير كان توقف علي الضرب المبرح اللي تضرب فيه للصغار وكيف تضرب فيهم علي وجوههم وراسهم مع احترامي ليها الاستاذة زهرة بيزان

استاذة هدى الغضبان؟
قصتي قصة معاها ههه,, ابلة فيها المواصفات اللي يتطلبها التدريس(بلاغة ماعنديش نية ندوي هلبا هه)
روحت معاها اكتر من مرة في الطريق وتنزل في نفس المكان اللي ننزل فيه اني لكن مانعرفش وين تسكن ههه ,, وخلصت عليا مرة كنت نبي انرجعهالها لكن ماعاش روحت اني واياها ههه(لم يشإ الله)

استاذة كريمة المحجوب؟
لو هيا استاذة الرياضيات امتاع صف سادس فماشاء الله عليها فوق شرح ابدااااع بعد هكي فساد من كتر ماتشرح مليح لين ماعاش تستوعب شي(تشرح مليييييح بصراحة) واسلوبها اللي ماشية بيه ف التدريس كويس

استاذة جميلة الصرماني ؟
بما ان هيا ابلة تاريخ ( لو هيا الابلة اللي قرتني في التاريخ صف تاسع) فانقوللكم اني مانحبش التاريخ فمش حيكون مدحي ليها هلبا بالرغم من انها تستاهل المدح,, وقصتي معاها ماتبطلش مدح عيلة احمد مراد ههه تخلي في وجهي احمر كل حصة هه,, ومش عارف هيا ولا لا لكن مرة واني امروح السني هدي القيتها في ماشية في سيارة في شارع الجمهورية

ههه استاذة الدين استاذة عائشة علي ما اعتقد EbTESAMA وشن رايك في حصتها ؟
خلينا ساكتين(خلي الحكاية راكحة ههه)

استاذة سكينة ؟
لو هيا ابلة العربي اللي قرتني صف تاسع :
شرحها معقول ومعاملتها للطلبة كويسة واستاذة طيبة ,, لكن ظلمتني مرة

استاذة غادة امتع الرسم ؟
ابلة ماشاء الله عليها من اكتر النواحي ,, وترسم مليح نتفكر فيها في اخر السنة رسمتلي رسمة مليحة لشجرة في كراستي,, تشرح مليح هههه

استاذة فتحية انجليزي؟
يااااه اياماتها الابلة فتحية,, تشرح مليح ف الانجليزي وتعطي ف الحصة بطريقة ماتملش منها

استاذة نزهات ؟
هدي مانعرفهاش ولا نعرفها لكن مش زابطها,, مش عارف ماتشدوش عليا هه,, وماتستغربوش لما قلت علي كل ابلة تشرح مليح لان ابللات التقدم ( اكتريتهم) بروفيشينال ’ وكان قابلتوا وحدة تعرفني سلمولي عليها( امااانة)

واخيرا استاذ الرياضة استاذ عامر ؟
احسن استاذ ف التقدم خير من احمد وبوبكر عندي , وشديتها صحبة اني واياه ف السنة الاخيرة

هههه تقريبا سميتهم كلهم
حي عليك كان تقابلي استاذ منهم وماتسلميليش عليه يامديرة( كان نسمع بيك نطلع من المنتدى هه)

اعتذر عن الاطالة
شن بتعتذري كانك طولتي وفاات ههههه

لي عودة باذن الله
خففي علينا ف الاسئلة شوي,, بكل انتي فوق اسئلة يامديرة ره هه
السلام عليكم
وعليكـِ السلام ورحمة الله وبركاته

حي خيرك درتله شوية الاسئلة

من الجديد اللي يجي يدير هلبة

مش زي هيل مان والاء بكل شوية



عارفاته دانتي غر متحشم ما يبيش يقول شوية الاسئلة


واني قريب اسألتي

.. نبـــدآ بـالآسئلـــة الآن ..



ووتي روحك
1-اسمك المستعار ؟

2-سبب اختيارك لهذاالاسم ؟

3-الهوايات ؟

4-افضل شهـر بالسنه والسبب ؟

5-حلمك في الحياة؟

6-أجمل سنوات مرت عليك؟

7-البرامج المفضلة؟

8-شخصيتك ( عصبي ، رومانسي ، ....... )؟

9-اجمل بلد زرتها ؟

10-ماهو لونك المفضل ؟

11-من هو مثلك الاعلى ؟

12-ماهي حكمتك بالحياة ؟

13-ماالذي يحزنك ؟

14-ماالذي يغيظك ؟

15-ماالذي يفرحك ؟

16-افضل شخصيه في رأيك ؟

17-فنانك ومطربك المفضله؟

18-لو خيروك تكون مشرف أي قسم تختار ؟

19-من هم الأعضاء اللي تود مصادقتهم ؟

20-من هم الأعضاء اللي تتمنى تشوفهم؟

21-من العضو اللي تحب يضيفك لقائمة الأصدقاء ؟

22-رأيك بـ الصداقـه بيـن الجنسيـن؟

23-عضو عاجبتك صورته الشخصيه وتوقيعه ؟

24-عضو نشيط... ؟

25-عضو مفقود... ؟

26-عضو واثق من نفسه ... ؟

27-عضو داخل مزاجك ... ؟

28-عضو تتمنى تلقتي به ... ؟

29-عضو مثقف ... ؟

30-عضو نفسك تغير اسمه ... ؟

31-عضو نفسك تكفخه هههه ... ؟

32-عضو نفسك تقول له ( برافو عليك ) ... ؟

33- عضو تبي تهديه بيت شعر ايش هو بيت الشعر ؟

34-ماهو رأيك بالحب ؟

35- صــف نفســـك بكلمتيـــن فقـــط..!

36 -مــاهــو الشــئ الذي ندمــت علــي عمـلــــه؟!؟

37 -كـلمـــة تمنيـــــت ان تسـتطيـــع سحـبهــــا؟!؟

38 -آخـــر شخـــص تتـــذكــــره قبـــل أن تنـــــام؟!؟

39 -جــريمــة تتمنـــي لـــو تستطيـــع ارتكابهــــا؟!؟

40 -حمـامة زاجـــل حاملـــة رســالة لـك,,,من من تتمنـى ان تكــون؟!؟

41-شخـــص لطــالما حـــلمـــت بــــه؟!؟

42 -دمـعـــه انـذرفــــت رغـمــاً عنـــك؟!؟

43 -مـوقـــف صــدمــك ولــن تنســــاه؟!؟

44 -شـخــص تتمنــي الإنتقــام منـــه؟!؟

45-شــئ او عمــل لا تستطيــع مســامحته؟!؟

46-شــئ او شخــص غيــّر مجــري حياتـــك؟!؟

47-حلم لا تستطيـــع تحقيقه؟!؟

48-كلمة تود سماعها كل يوم؟!؟

50 -طالع رحله بريه من تاخذ معك ؟؟

51 - غرق المنتدى ومعك قارب مايشيل الا ثلاثه من تاخذ معك ؟


عارفا روحي طوللللللللللللللللللللللللت



اتمنى تعجبكم الاسئلة ... وسوري على الاطالة

مرحبتين بيك دانتي نورت الكرسي و انشاء الله يعجبك
مرحبتين بيك ياحامد ونورت الموضوع

البطاقة الشخصية
ياودي الاسئلة هدي بحث عليا مش بطاقة شخصية بس هههه

ما هو الاسم ؟
عبد الرحمن احمد مراد

كم العمر ؟
مواليد الـ 94

ما هو العمل ؟
ياريت في عمل ههه

ما هي الهوايات ؟
تبي الحق كورة , لكن الفترة هدي طايرة منها النية ( بالعلم انها سوسة هه)

ما هي الامنيات ؟
اني انكوّن روحي بكري

هل لديك اهداف في حياتك ؟ هل فكرت في اهدافك ؟ هل عملت من اجل تحقيقها ؟
امنيتي اني انكوّن روحي ,, واهدافي هي السبُل اللي تخليني انكوّن روحي" وما التوفيق الا من عند الله"

ما هي احلامك ؟
التلاتة اسئلة هدي زي بعض ههه( الامنية والاهداف والاحلام)= كله اني انكوّن روحي بكري ’’

مقول او حكمة تتخذها شعاراً للك في الحياة ؟
تواص بالحق وتواص بالصبر" وما التوفيق الا من عند الله"

هل تقراء الكتب . ما هي كتبك المفضلة ؟
الكتب الفلسفية اكتر كتب مفضلة عندي ف الوقت الحالي

3 صفات تكرهها في نفسك ؟
الخوف في بعض المواقف اللي تتطلب الشجاعة باش نتفادا المشاكل

ما شيء الذي يدور في ذهنك وانت تجيب على الاسئلة ؟
اني نوصل الحقيقة وانجاوب ع الاسئلة بمصداقية وباسلوب يثير الانتباه

من سوف تختار ان يجلس بعدك على كرسي الاعتراف ؟
في لحظتها فكرت في العضو جوهرة القصر ,, لكن في احتمال اني انغير رايي وانحط المديرة او شخص تاني

*كلمة عتاب لمن تهديها؟
لكل مخطئ مايرجعش لعقله ويبتعد عن الخطا

من يمثل القدوة لك في الحياة؟
لو قلت الرسول حنكون كداب ,, لان المقتدي يتبع القدوة واني عندي مخالفات
لدلك قدوتي خوي الكبير ,, وبتوفيق من الله حيكون الرسول قدوتي
يعني خوي الكبير وسيلة للتمكن من الاقتداء برسول الله صلى الله عليه وسلم

ماهو هدفك ؟
ارجع لاجابة السؤال الرابع يمكن هه

- ماهي رسالتك في هذه الحياة ولمن توجهها ؟
مازال مادرتش رسالة ,, وحتكون موجهة هيا ف العموم لكل شخض منغمس ف الحياة الدنيا الفانية الزائلة

- ماهي التجربه التي تتمنى تكرارها ؟
لما حجمت هههه

- من هو توأم روحك ؟
لو توام الروح هو شخص يشبهلي بالزبط فلا اعتقد ان عندي توام روح,, ولو كان في فارجح شخص حيكون "هِـيَ"
-من هو شخص تحتاج لقربه الآن منك ؟؟
لو الان فمافيش حد نبيه قريب مني

-من هو أعظم شيء فقدته ؟
من للعاقل فالشيئ احتمال يكون المراد بيها شخص ,, وفقدته=لا يوجد ناتج,, مافيش حد عظيم قابلته ( حتى لو ماعاش تقابلت اني واياه ) فمش حاس اني فقدته.

-من هو أعظم جرح دفنته ؟
في هدي قصدك ما هو هه,, كلهم جروح طفيفة ههه

-من هو و اخيراً صف نفسك بكلمات بسيطة كما يراك الناس ؟؟؟؟
صيغة الاسئلة هدي غريييبة هههه

يشوفوا فيا شخص كويس


منوور ع الاسئلة يا بوحميد

ههههه رقبتي بدت توجع فيا بالشوية عليا ياملوكة خيرنا ههههه

عادي هي مرة بهد قداش

ربي يعاونك

.. نبـــدآ بـالآسئلـــة الآن ..
بااادية قداش ليك ههه

ووتي روحك
ايه سخنت بالاسئلة امتاع المديرة وهل مان هه

1-اسمك المستعار ؟
دانتي(علي ساس مش واضح الاسم توا هههه)

2-سبب اختيارك لهذاالاسم ؟
معجب بشخصية دانتي اللي في الانمي امتاع devil may cry
3-الهوايات ؟
كورة (سؤال مكرر) هه

4-افضل شهـر بالسنه والسبب ؟
مافيش فرق بيناتهم

5-حلمك في الحياة؟
مكررررر
حلمي ف الحياة اني انكوّن روحي وانكون حكيم (علامة ف الحكمة)
وماالتوفيق الا من عند الله

6-أجمل سنوات مرت عليك؟
سنوات مروا عليك مش مرت ههه
كلهم كويسات ولله الحمد لكن يمكن هدي السنة اكترهم

7-البرامج المفضلة؟
اللي في ناشيونال جيوقرافيك كلهم مفضلات عندي(بالرغم من اني ناااادرا نتفرج ع التي في)
8-شخصيتك ( عصبي ، رومانسي ، ....... )؟
الفترة هدي في عصبية زايدة ( وع العمووم شخصية كويسة مستقلة لحد ما)

9-اجمل بلد زرتها ؟
ليبيا وماادراك ماليبيا( لاني ماطلعتش منها ههه)
10-ماهو لونك المفضل ؟
الاكحلللل( ان شاء الله اياماتي واياماتكم ضد هـاللون ههه)

11-من هو مثلك الاعلى ؟
مكررر
خوي الكبير سبيل للاقتداء بالرسول عليه الصلاة والسلام

12-ماهي حكمتك بالحياة ؟
ماعنديش حكمة وحدة في الحياة لكن
تواص بالحق وتواص بالصبر تشتمل علي هلبا حكم

13-ماالذي يحزنك ؟
الفراق ,, والتحسر علي حالي لما نستيقظ من غفلة

14-ماالذي يغيظك ؟
الخطا والغباء والتفاهة وهلبا حاجات تانية

15-ماالذي يفرحك ؟
لما نتصرف صح او انقابل صديق قريب ليا وحاجات تانية

16-افضل شخصيه في رأيك ؟
شخصية خوي وصديق ليا ( من الشخصيات اللي امعاشرهم)

17-فنانك ومطربك المفضله؟
ماضنيتش شبحت سؤال ماهو شيخك او علامتك او العالم المفضل؟؟؟
لالا مافيش ولا فنان او مطرب انحبه

18-لو خيروك تكون مشرف أي قسم تختار ؟
مش حنكون مشرف

19-من هم الأعضاء اللي تود مصادقتهم ؟
*************
20-من هم الأعضاء اللي تتمنى تشوفهم؟
*************
21-من العضو اللي تحب يضيفك لقائمة الأصدقاء ؟
*************
22-رأيك بـ الصداقـه بيـن الجنسيـن؟
درت موضوع في القسم الديني علي الحاجة هدي

23-عضو عاجبتك صورته الشخصيه وتوقيعه ؟
توقيع جوهرة القصر اللي كان عند المديرة على مااعتقد
والصورة الشخصية اي صورة شخصية مش لفنان او مطرب

24-عضو نشيط... ؟
ميسرة
25-عضو مفقود... ؟
في هلللبا وواحد منهم المديرة دعاء

26-عضو واثق من نفسه ... ؟
مصطفى

27-عضو داخل مزاجك ... ؟
محرم

28-عضو تتمنى تلقتي به ... ؟
يمكن هل مان

29-عضو مثقف ... ؟
المديرة
30-عضو نفسك تغير اسمه ... ؟
هلبا ,, اي اسم لمغني او مطرب او شخص كافر

31-عضو نفسك تكفخه هههه ... ؟
كان المقصود بيها نضربه فمافيش حد خاطري انمد ايدي عليه

32-عضو نفسك تقول له ( برافو عليك ) ... ؟
ملوكة

33- عضو تبي تهديه بيت شعر ايش هو بيت الشعر ؟
مش مفكر في حاجة زي هدي

34-ماهو رأيك بالحب ؟
الحب صفة فطرية لدى كل مخلوق ذي مشاعر

35- صــف نفســـك بكلمتيـــن فقـــط..!
شخص كويس
36 -مــاهــو الشــئ الذي ندمــت علــي عمـلــــه؟!؟
ماضنيتش في حاجة ندمت عليها لان كل حاجة درتها اسهمت في اني انكون الشخص اللي اني عليه ف الوقت الحالي,,,, ولكن الحاجات اللي ناهي عنها ربي واني درتها اكيد نادم عليها

37 -كـلمـــة تمنيـــــت ان تسـتطيـــع سحـبهــــا؟!؟
الحمد لله الكلام اللي زرق مني قدرت نسحبه ههه

38 -آخـــر شخـــص تتـــذكــــره قبـــل أن تنـــــام؟!؟
اندير في شريط تام احيانا واحيانا نرقد طول

39 -جــريمــة تتمنـــي لـــو تستطيـــع ارتكابهــــا؟!؟
لا يوجد

40 -حمـامة زاجـــل حاملـــة رســالة لـك,,,من من تتمنـى ان تكــون؟!؟
لو جتني صدفة مش حنتمنى تكون من حد,, قصدي حنقراها طول من غير ماانقول ان شاء الله تكون من هدا او هدا ,, لكن لو قالولي اتمنى حيكون الشخص على حسب الموقف اللي اني فيه

41-شخـــص لطــالما حـــلمـــت بــــه؟!؟
يمكن اكتر شخص حلمت بيه بنت قرت معاي ف التقدم ,, وكانت تقريبا اربعة مرات

42 -دمـعـــه انـذرفــــت رغـمــاً عنـــك؟!؟
التفكير بالموت ليا او لشخص قريب ليا
43 -مـوقـــف صــدمــك ولــن تنســــاه؟!؟
ياودي مع الداكرة اللي عندي في الشك اني نتفكر كل حاجة هههه
كل حاجة معرضة لاحتمال النسيان هه
44 -شـخــص تتمنــي الإنتقــام منـــه؟!؟
لا يوجد بعد التفكير
45-شــئ او عمــل لا تستطيــع مســامحته؟!؟
مش عارف والله
46-شــئ او شخــص غيــّر مجــري حياتـــك؟!؟
لحد الان مش هداكا التبات حياتي

47-حلم لا تستطيـــع تحقيقه؟!؟
انكون ملك واوسم شخص ف العالم وعندي قدرات خارقة ( حاجات طفولية ههه)

48-كلمة تود سماعها كل يوم؟!؟
اي كلمة فيها تذكرة
50 -طالع رحله بريه من تاخذ معك ؟؟
واحد يعول كويس وامتاع زرادي وجوه مليح مش دراه كبد وتنبال هههه
51 - غرق المنتدى ومعك قارب مايشيل الا ثلاثه من تاخذ معك ؟
الاقربون اولى بالمعروف

عارفا روحي طوللللللللللللللللللللللللت
هللللللللللللللللللللللللللللللللبااا هههه


اتمنى تعجبكم الاسئلة ... وسوري على الاطالة EbTESAMA

باهية الاسئلة لكن قصيرة ههه

للعلم اسئلة المديرة وهل مان وملوكة خدت مني اكتر من ساعة ونص للاجابة ههه

معليشي ياتايلورر خلي اسئلتك انجاوب عليها مرة تانية لان الوقت اموخر وغدوا مدرسة واني دخختتت ههههه
هي تصبحوا علي خير

هههههههههههههه ماوسع بالك

اهو جيت وتو انجاوب ع الاسئلة


بالي واااسع وقابل للتمدد وباش تعرف معامل التمدد حتقسم بعد الصورة عن الخط اللا متغير علي بعد الاصل علي الخط اللا متغير هه

هي بلا تضييع وقت خلي انجاوب ع الاسئلة ههه

اهلين بيك يا دانتى و ان شاء الله تعجبك الاسئله ومنور الكرسى
النور نورك ,, شكرا ع الترحيب

هيا نبدو
هيْ
1_شنوجو الكرسى معاك ؟
يبي توخير شوية ويبي تغيير مساند ههه

2_من اكتر عضو يعجبك في المنتدي؟
دانتي( حتى هوا عضو ههه)

3_شن اكتر حاجة تحبها في المنتدي؟
بازين غرياني بالعسل والشكلاطة يدير فيها مش عادي ههه(انخفف في دمي معليشي هه)
اكتر حاجة انحبها ف المنتدى صفحتي الشخصية هه
4_من اقرب شخص ليك في حياتك؟
اقرب شخص بالرغم من انه بعيييييد هلبا صديقي محمد ابوصيد

5_شن حلمك في الحياه؟
مكرر هه
اني انكون برفكككت هدا حلمي ههه

6_شن اكره واحلي لحظة عشتها في حياتك؟
ياااه الاسئلة زي هدا السؤال تخلي فيا نعصر في دماي هلللبا ههه
احلى لحظات لما انكون علي صح واكرهها لما انكون علي غلط

7_الاكلة والبرنامج والممتل والممتلة والفنان والفاناة المفضلين عندك؟
الاكلة: كسكس (اخخخخخ يامتعبني يا كسكس خخ) والبرنامج زي ماقلت, اللي في قناة ناشيونال جيوغرافيك
والممتلة والفنان والفنانة بالله ماعاش تسالوني الاسئلة هدي لانها تكنطي فيا
مع احترامي ليكم

8_شي جرحك؟
موس ههه
9_حاجة ندمت علي فعلها؟
زي ماقلت لما اندير حاجة منهي عنها

10_عمرك جرحت شخص؟
ايه للاسف
11_باقة ورد لمن تهديها ؟
يامهدي الورد تحيا وواوه لك نونُ,, ونونه في قلب من عاداك هاءُ ههه
نهديه لكل شخص يستحقه
12_اسوأ خبر سمعته ؟
لما سمعت ان في فيديوات زنا ايديروا فيهم الليبيين والعياذ بالله
13_اوصف نفسك كما تراها ؟!
مانشبحش فيها نفسي ههه
14_اذا اردت ان تبكي الان , فعلى من تبكي؟
علي الحال اللي فيها الشباب والشيابين الليبيين وحتى الاطفال( اللهم لا تؤاخذنا بما فعل السفهاء منا)
وماابرئ نفسي ان النفس لامارة بالسوء الا من رحم ربي
15_من يسكن قلبك؟
مازال يديروله في وراقي مازال ماسكنوش ههه
16_هل هزمك حزنك في يوما من الايام؟
لا
.17_((مستحيل انساك)) لمن تقولها ؟
مش حنقولها لحد لان داكرتي فظيعة ههه
(( 18_انت كل شيء بحياتي )) لمن تقولها ؟
انقولها لشخص في وقت تكون فيه المجاملة كويسة,, لان يستحيل يكون شخص كل شيئ في حياة شخص مسلم مؤمن
19_هل انت مدمن تفكير؟
ماوصلتش لمرحلة الادمان
20_من هو اكثر شخص تفكر فيه؟
اللي امخلي بصمة في حياتي حنتفكره اكتر من غيره
21_هل تكره شخص بشده في حياتك ؟
لا,, لكن مرات انقول فيها لما انكون متعفلق ومش علي عقلي
لان في كل الاحوال اللي نعرفهم كلهم مسلمين
22_عاده تفعلها دائما تتمنى ان تتركها ؟
ومانيل المطالب بالتمني
23_ماهو اجمل اسم لولد واجمل اسم لبنت من وجهة نظرك؟
عاد كييف هه اكيد اجمل اسم لولد عبد الرحمن ولبنت:مايحيروش ف الاسامي البنات , اساميهم كلهم قنيّنات هه
24_اعتذار تريد ان تقدمه لمن؟
حيكون لكل شخص اخطات في حقه
ما رايك فى به صراحه فى الاعضاء 25_

loveone
برودة دمه فيها نكهة هه(لكن مادابيه مايزيدهاش علي حدها مع انه مخلي مكانه ف المنتدى)
taylor.r
لغتها في تحسن لكن مازال تبي شوية قرصات في ودنها باش تكتب كويس من غير اخطاء هه(معليشي هه)
miss selena
بنت التقدم يعني كيف بتكون هه
غير كان تخفف حدة الزعل اللي عندها شوية , وماتاخدش الامور سطحية
moonbueen
العضو هدا جديد مون بوين ههههه
مون كوين كويسة ومن قروب المديرة يعني كيف بتكون ,, ماشاء الله عليها غير كان ماتتعفلقش بسرعة وحتى لما تتكنطى تتحكم في اسلوبها شوي لانه يبدا لاذع هه
رنيم
هدي بنت كويسة ورزينة وشخصيتها مليحة,, وتفهم ع الطاير مليح هه
شاطر
من اسمه شاطر
ولد كويس والكويسين قليلُ هه
لكن حتى هوا يتكنطى بسرعة ومايتصرفش بعقل لما يتكنطى
هيل مان
مانعرفاش هلبا ومن حسب مواضيعه فاني انقول انه يحب الرومانسية والحنان ومش امتاع شر الولد هه
الاء
ماكتر ربي الا الاء ف المنتدى هه
لكن لو قصد منها المديرة فــ مديرة غنية عن التعريف
محرم
ههههههه اقوى لقطة اول مرة تعرفت عليه فيس تو فيس هههه
جوه مليح وولد عاقل وكويس
ان شاء الله عجبتك الاسئله
ايه قنيّنة هه
شكرا

دانتي باهي باه صار طلع دمي خفيف منور بالهبلا




سؤالي هو اسمك الحقيقي المتحقق

وشن اسم البيلا

صحيت ع السؤالين ياهبلا هه

هههههههههه

والله حصلت

حنوتى اسئلة وجاياتك

هههههههههههههههههه اطول فترة علي كرسي الاعتراف سبعة شهور
هههههههههههه
شن شعورك وانت علي الكرسي 7 شهور
:p p:

صارلي تصلب ودمي تخثر والاعصاب الحسية ماتو

حرام عليكم خليتوني ع الكرسي الشوكي هدا سبعة شهور ,, تبو تنتقموا مني ولا شني هه

حنسالك سوالين من كل موضوع

1 شنى فيلمك المفضل

2 شنى لونك المفضل

3 مارايك بما يحدث الان فى ليبيا

4 هل تعتقد انه يجب ان يتطور الشعب قبل البلاد ام العكس ؟ ولمادا؟

5 ماهو موضوعك المفضل فى المنتدى

6 من هو عضوك المفضل فى المنتدى

7فى اى مجال تريد ان تكمل دراستك

ماهى خططك للمستقبل8

لو كانت لديك القدرة لقتل بو شفشوفة هل تقتله9

مالدى فعله لك بو شفشوفة لكى تكرهه10

هل تخاف ان تخسر شخص عزيز عليك11

12ادا خيروك ان تموت انت او شخص تعرفه وتحبه من تختار

13 هل تخاف من الموت



ان شاء الله ربى يطول فى عمرك ويخليك لينا

وان شاء الله تكون الاسئئلة خفيفة وحلوه

مابيتش انكتر عليك.

باه الحق فيا جبتهم ساهلات

تو تشوف

ياسرك يا دانتي نووض عاااد هيا
ماصارلك انكماش في الفص الامامي من خلايا مخك

دانتي ماعييتش من التقعميز ههههههههههههههههههه

ههههههههههههه
خلاص حرام الكرسي كله شوك


دانتي اختار من تبي بعدك

وان شاء الله فترة جلوسك علي الكرسي كانت مريحة

حرام عليك ياتايلور


اكيد تعب فيه الكرسي

لا ياجماعة بالشوية عليكم خلوه يجاوب على اسلتى قبل

معقولة كرسي مريح زي هدا تبوا اتنوضوني من عليه ,, خلوني مازال في شوك ماجربتاش

هادى مش الاجابات الى كننت نتمنى نحصل عليها

ههههه لكن حتى انى نحترم فى الاسباب الامنية

هههه

مشكوووووور

هيا يادانتيييييييييييي

دانتى شكلهم بيديروا عليك انقلاب

بيجردوك من كرسيك راك اتنوض

قوللهم انى حنقعمز لى اخر قطرة من دمى

هههههههههههههههههههههههههه

انى عندى تاست الشاهى متعى



مش حنوض

مش حنوض

دوري في الاسئلة
انشاء الله تكون خفيفة


1_مالشي الذي يزعجك في حياتك وتتمني ان تتخلص منه؟

2_ماهي هوايتك؟

3_ما اسم برنامجك المفضل في ناشينول جيوغرافيك؟

4_بماذا ساهمت في هذه الثورة؟

5_هل تعجبك شخصيتك؟

6_هل انت مزاجي؟

7_ما اسم لاعبك المفضل في كرة القدم؟

8_هل انت خجول؟

9_ما هي طموحاتك؟

10_الي من تلجيء حين تواجه مشكلة ما؟


هذه مش اسئلة كرسي اعتراف لكن ما عنديش اسئلة تانية



والسلام عليكم ورحمة الله وبركاته

حبيبتي وقت دانتي خلاص كمل

هو ما ناضش معناها مكملش

هههه


دانتى شكلهم بيديروا عليك انقلاب

بيجردوك من كرسيك راك اتنوض

قوللهم انى حنقعمز لى اخر قطرة من دمى

هههههههههههههههههههههههههه

انى عندى تاست الشاهى متعى



مش حنوض

مش حنوض

دوري في الاسئلة
انشاء الله تكون خفيفة
ان شاء الله

1_مالشي الذي يزعجك في حياتك وتتمني ان تتخلص منه؟
كرسي الشوك اللي قعمزتوني عليه ههه
2_ماهي هوايتك؟
قبل كورة توا بنغيرها كمبيوتر وقراية كتب
3_ما اسم برنامجك المفضل في ناشينول جيوغرافيك؟
بصراحة مانتبعش فيها هلبا لكن لما يجيبوا في برنامج الرياضة لو كنت فاضي انقعمز نتفرج
4_بماذا ساهمت في هذه الثورة؟
مش بالكثير
5_هل تعجبك شخصيتك؟
فيها ميزات وعيوب
6_هل انت مزاجي؟
مزاجي بإرادتي
7_ما اسم لاعبك المفضل في كرة القدم؟
Gerrard
8_هل انت خجول؟
ايه ويقل خجلي كل مانكبر
9_ما هي طموحاتك؟
نوصل للحقيقة
10_الي من تلجيء حين تواجه مشكلة ما؟
الى لا احد غير الله حتى ثم مافيش

هذه مش اسئلة كرسي اعتراف لكن ما عنديش اسئلة تانية
اوك اسئلة كويسة


والسلام عليكم ورحمة الله وبركاته
وعليك السلام ورحمة الله وبركاته