high school musical

high school musical
اخوتي اخواتي الاعضاء يسرني اعلامك باننا مقبلين على تغيير رابطة الدخول الى المنتدى و سيتم اخباركم بالتفاصيل لذا نرجوا ان تقوموا باضافة البريد الالكتروني للمنتدى hsm3.yoo7@yahoo.com او m_hsm3@yahoo.com

المواضيع الأخيرة

» الضغط ودكتور محشش
الإثنين 21 سبتمبر 2015, 7:06 pm من طرف alloxlola

» ماعاش في أمل خلاص ؟
الإثنين 21 سبتمبر 2015, 7:05 pm من طرف alloxlola

» the one
الجمعة 04 أبريل 2014, 1:31 am من طرف loveone

» asefa 3ala el3'eyab
الإثنين 10 مارس 2014, 10:54 pm من طرف رنيم

» هـــــام لجميع الأعضاء " مـوعـدْ للقــاء "
السبت 09 نوفمبر 2013, 9:42 am من طرف alloxlola

» سؤاااال محيرني ؟؟؟
الثلاثاء 07 مايو 2013, 11:15 pm من طرف Dante

» شعر من تأليفي على الإمتحانات
الجمعة 08 مارس 2013, 2:13 pm من طرف رنيم

» إحساس مؤلم!!!
الجمعة 15 فبراير 2013, 4:43 pm من طرف جوهرة القصر

» مسابقة الالغاز
الإثنين 21 يناير 2013, 3:29 pm من طرف SALLEMO

دخول

لقد نسيت كلمة السر

المتواجدون الآن ؟

ككل هناك 5 عُضو متصل حالياً :: 0 عضو مُسجل, 0 عُضو مُختفي و 5 زائر :: 1 روبوت الفهرسة في محركات البحث

لا أحد


[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 62 بتاريخ السبت 07 يوليو 2012, 12:02 pm

أفضل 10 أعضاء في هذا المنتدى

احصائيات

أعضاؤنا قدموا 58665 مساهمة في هذا المنتدى في 6246 موضوع

هذا المنتدى يتوفر على 652 عُضو.

آخر عُضو مُسجل هو محمد السوري555 فمرحباً به.


    شايب يرقد في بجامه

    شاطر
    avatar
    princess mero
    عضو ذهبي
    عضو ذهبي

    انثى وعلاش سجلت بالمنتدى ؟. : اعجبني جوه
    عدد الرسائل : 5330
    تاريخ الميلاد : 18/11/1996
    العمر : 20
    الموقع : >>>>
    العمل/الترفيه : ^_^
    المزاج : >>>>
    تاريخ التسجيل : 19/05/2010

    شايب يرقد في بجامه

    مُساهمة من طرف princess mero في الإثنين 24 مايو 2010, 5:15 pm

    شايب يرقد في بجامه .... مايرقد في جلابيه

    جوه في داره حمامـــا.... متمنقه ميه فالميه

    يلبس عالموضا هندامه .... ولبساته ديما رسميه

    ومنظم ساعات طعامه .... و أغلب وجباتا مشويه

    روتيني داير نظامه .... يشرب قهوه كل عشيه

    عنده فتره أنسجامه .... عايش عيشا رومانسيه

    كناري يغرد قدامه .... نغمت صوتا موسيقيه

    داير حوض أسماك أحجامه .... يختلفن بألوان بهيه

    شايب عاش دلال أيامه .... مافي عمره دار قضيه

    مابين أوراقا وأقلامه .... مثقف و أفكارا حيه

    فندام إيتابع في أفلامه .... و يحكي لغات أجنبيه

    فارض عالناس إحترامه .... واخذ لأمور إبجديه

    هادي فى طبعا وكلامه ..... مايعرفش العاصبيه

    مؤدب في رد سلامه .... تابع قول الله ونبيه

    لاهو من ناس الجلهامه .... لاهو من ناس الحسديه

    لاهو كيف أولاد عمامه .... قلت دين ومشكلجيه

    لا يعرف زرع ولاجلامه .... لا يعرف عيت إمحويه

    ----------------------------------------------------------------

    جاه إمراجع بو نجامه .... بن عمه من نفس الفيه

    قله راهو في خصامه ..... في جيهت لأرض الفوقيه

    فيها كانت فيه علامه ...... لكن من مده مخفيه

    هلي من عند الخرامه .... لاعند القاره لكصيه

    من غربي وادي النعامه .... من شرقي مقلب لميه

    من عند علاوي الحمامه .... لا عند قرارات هنيه

    راهم جوها عيت سلامة .... ونحنا بتنا برانيه

    يحكي ويقبع فى أكمامه .... حردت سوريته ملويه

    من عالراس عزق لعمامه .... طلع من جيبه كميه

    وخذت الأرض عليك ندامه .... ياعار العيله جمليه

    نبوا يوم إيحيد غمامه .... نرجوا فيه الكبانيه

    شال الشايب فى دوامه .... قاله فز أنعدو هيا

    في التيوتا حط إخيامه .... هالوكس أو فيها بتيه

    خبزه وأشولات أقطامه .... و أجريوين أمعا عجميه

    قبل الليل إيعم ظلامه .... وصلوا لأرض اللي مغزيه

    كم واحت واتي بحزامه .... داير في جنبا غدريه

    يبوا لزت عيت سلامة .... قبل الفجر إيعلم ضيه

    تما الشايب فى دوامه .... في الجيه ماعندا نيه

    تمت قداما الدوامه .... طلق إسناب أو جطلاويه

    ليله كي حلم الجثامه ... كم جثه تمت مرميه

    ليله فيها عيت سلامة .... دالو ا الأرض إبعين قويه

    خلوا عيلت بو نجامه ..... يجاروا فى هالحطيه

    لزوهم تما إيتحامه ..... شايبنا بالشماسيه

    نين إغلب فى شيل أقدامه .... عارف روحه راح ضحيه

    جاه واحد شين إنتيقامه ..... قاسي ماعنده حنيه

    متعضد يا فيه جهامه .... يقتل لو قوى بونيه

    ضاع الشايب هو وأحلامه ..... حصل دهكه في جوجيه

    طاح إيعيط من صمامه ..... فاقد وعيه تم رميه

    سبحانه ربي وأقسامه ..... ماينجا لولا رعويه

    لقيوه إيشير بأبهامه ...... يطلب فى نجده فوريه

    فى المستشفى كان إختاما ...... مايوعى للي طرحيه

    ما نجين من الكسر إعضامه .... دارولا كم عمليه

    قرر له الطبيب إقامه .... لاجل شالو ا منا ريه

    تبع رايت الهدامه ..... غرو بيه إنسي ماضيه
    avatar
    alloxlola
    مدير المنتدى
    مدير المنتدى

    عدد الرسائل : 3311
    تاريخ الميلاد : 02/04/1994
    العمر : 23
    تاريخ التسجيل : 24/05/2008

    رد: شايب يرقد في بجامه

    مُساهمة من طرف alloxlola في الإثنين 24 مايو 2010, 5:30 pm

    ههههههههه
    هلبا حاجات ما فهمتهش
    36_1_22[1]
    منورة حبوبة
    لكن القسم هذا لخواط الاعضاء بس
    و الشعر هذا كاتبه الشاعر بوبكر رابح المغربي
    و هو مش عضو في المنتدى :n20065:


    المهم مشكووووووووووووووووووورة عالنقل المتميز
    ومن تالق الى تالق


    _________________

    _________________
    avatar
    ملوكة
    عضو ذهبي
    عضو ذهبي

    انثى عدد الرسائل : 2615
    تاريخ الميلاد : 17/11/1997
    العمر : 19
    العمل/الترفيه : سباحة
    المزاج : تمام
    تاريخ التسجيل : 26/05/2008

    رد: شايب يرقد في بجامه

    مُساهمة من طرف ملوكة في الإثنين 24 مايو 2010, 5:44 pm

    هههههههههههههههههههههه
    محلاه كلماته اتهبل مشكورة

      الوقت/التاريخ الآن هو السبت 19 أغسطس 2017, 3:46 am